ಗುರುನಾಥ ಗಾನಾಮೃತ 

ಐದು ಬೆಲ್ಲದಚ್ಚಲೇ ಪೂರ್ವ

ರಚನೆ: ಅಂಬಾಸುತ 

ಐದು ಬೆಲ್ಲದಚ್ಚಲೇ ಪೂರ್ವ

ಕರ್ಮ ಕಳೆದ ಗುರುನಾಥ

ಇವನ ಮರ್ಮ ಅರಿಯಲಾದೀತೇ

ಇವಗಿನ್ಯಾರಾದರೂ ಸರಿಸಮರುಂಟೇ ||

ಭವ ಸಾಗರದಿ ಬಹು ನೊಂದು 

ಬಳಲಿ ಬೆಂಡಾದ ಭಾಮೆ

ಗುರುಮನೆಯ ಬಾಗಿಲಾ ತಟ್ಟಿದಳು ತಡವಿರದೆ

ಬದುಕಿದು ಸಾಕಿನ್ನು ಭಾರ ಬಹಳವಿಹುದು

ಉಸಿರ ನಿಲ್ಲಿಸು ಒಂದಿರುಳು

ಕೂಡ ತಡಮಾಡದೆ ಗುರುನಾಥ ಎಂದು ||

ಕರುಣಾಳು ಗುರುನಾಥ ಕರುಣೆಯಾ

ತೋರಿದಾ ಹುಸಿ ನಗೆಯ ಒಡನೆ

ಅಚ್ಚು ಐದು ಬೆಲ್ಲ  ಐದು ಮನೆಯಾಕೆಗೆ

ಸ್ವಚ್ಚ ಮನದಲಿ ಕೊಡಲು ಅಚ್ಚರಿಯು 

ನಿನಗಹುದು ಹುಚ್ಚುತನ ಬಿಡು

ಹಚ್ಚಹಸುರಿನ ಬಾಳು ಮುಂದೆ ನಿನಗಹುದೆಂದು ||

ಗುರುವಾಕ್ಯ ನೆಡೆಸಿದಳು ಭಾವುಕ ಭಕುತಳು

ಬೆಲ್ಲದಚ್ಚನು ನೀಡಿ ಭಕ್ತಿಯಿಂದಲೀ

ಕಷ್ಟ ಕಳೆಯಿತು ಆ ಕ್ಷಣ ನಿಷ್ಠೂರ ದೂರಾಯ್ತು

ಗುರು ಮಹಿಮೆಯಿಂದಲಿ ಗುರು ಮಹಿಮೆಯಿಂದಲಿ

ಎನುತ ಕಣ್ಣೀರಿಡುತ ನುಡಿದಳಾ ಭಾಮೆ

ಅಂಬಾಸುತನ ಮನವ ತೇವಗೊಳಿಸುತಲಿ ||