ಗುರುನಾಥ ಗಾನಾಮೃತ 

ಗುರುವೇ ಬೇಗ ಬಾರಯ್ಯಾ

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ಗುರುವೇ ಬೇಗ ಬಾರಯ್ಯಾ

ನಮ್ಮ ಮನೆಗೆ |

ಸದ್ಗುರುವೆ ಒಮ್ಮೆ ಬಾರಯ್ಯಾ

ನಮ್ಮ ಮನಕೆ ||

ಜ್ಞಾನದ ಹೆಜ್ಜೆಯನಿಡುತಾ

ಕರುಣೆಯ ದೃಷ್ಟಿಯ ಬೀರುತಾ |

ಭಕ್ತಿಯ ರಸವಾ ಚೆಲ್ಲುತಾ

ಮಂದದ ನಗೆಯಾ ಸೂಸುತಾ || ೧ ||

ಕಣ್ಣಂಚಿನಲೇ ಎಲ್ಲರ ನೋಡುತಾ

ಮನದಲ್ಲಿಯೇ ಭಕ್ತರಾ ಹರಸುತಾ |

ನಿಮ್ಮೊಡನೆ ನಾನಿರುವೆನೆಂದು ಹೇಳುತಾ

ಪ್ರತೀಕ್ಷೆಯ ಫಲವು ಉತ್ತಮವಿದೆಯೆನುತಾ || ೨ ||

ಕರ್ಮದ ಕಾಷ್ಠವಾ ದಹಿಸುತಾ

ಧರ್ಮದ ಹಾದಿಯ ತೋರಿಸುತಾ |

ಹೃದಯದಲೇ ದೈವವ ಕಾಣಿರೆನುತಾ

ಸದ್ವಿದ್ಯೆಯ ದೀಪವಾ ಬೆಳಗಿಸುತಾ || ೩ ||