ಗುರುನಾಥ ಗಾನಾಮೃತ 

ಮನ್ನಿಸೋ  ಎನ್ನ ಗುರುನಾಥ  ಎನ್ನ ಮನ್ನಿಸೋ

ರಚನೆ: ಆನಂದರಾಮ್, ಶೃಂಗೇರಿ  

ಮನ್ನಿಸೋ  ಎನ್ನ ಗುರುನಾಥ  ಎನ್ನ ಮನ್ನಿಸೋ

ಪಾಮರನು ನಾನು ಎಡುವುದು ಸಹಜ ಮನ್ನಿಸೋ|

ಅರಿತು ಮಾಡುವೆನು ಪಾಪ ಲೌಕಿಕದ ಬದುಕಿನಲಿ

ತೋರಿಕೆಯ ಬದುಕು  ಆಸೆ ಬುರುಕನ ಹಾದಿಯಲಿ|

ಆಡುವ ನುಡಿಗೂ  ಮಾಡುವ ಕೃತಿಗೂ ಬೇಧವಿಹುದು

ಅರಿತು ಮಾಡುವ ಕರ್ಮದಲಿ ದೇಹ ಮುಳುಗಿಹುದು|

ಬೇಡೆಂದರೂ ಬೆನ್ನ ಬಿದ್ದಿದೆ ಆಸೆಗಳ ಮಹಾಪೂರ

ಬದಲಾವಣೆ ನಾಳೆಯ ನಿರೀಕ್ಷೆಯಲಿ ಬಲುದೂರ|

ಬಣ್ಣದ ಬದುಕಿನೆಡೆ ಮನ ಓಡುವುದು ಗುರುವೇ

ತೋರದಾದೆ ನಿಜ ಭಕುತಿಯ ನಿನ್ನಲಿ  ಓ ಗುರುವೇ|

ನಿನ್ನ ನೆನೆದರೆ ಇಹುದು ಎಲ್ಲದಕೂ ನಿತ್ಯ ಪರಿಹಾರ

ನೆನೆಯುವ ಮನ ಕೊಡು ಓ ಗುರುವೇ ನಿರಂತರ|