ಗುರುನಾಥ ಗಾನಾಮೃತ 

ಹೇಗೆ ಭಜಿಸಲಿ ಗುರುವೇ ಪದಗಳೇ ಸಾಲದಾಗಿದೆ

ರಚನೆ: ಆನಂದರಾಮ್, ಶೃಂಗೇರಿ  

ಹೇಗೆ ಭಜಿಸಲಿ ಗುರುವೇ ಪದಗಳೇ ಸಾಲದಾಗಿದೆ

ಮನದಿ  ಮೂಡುವ ಭಾವಕೆ ಅಂತ್ಯವೇ ಇಲ್ಲದಾಗಿದೆ|

ಮನವು ಮರುಗಿದೆ ಮೂಕ ರಾಗದಿ ನಿನ್ನ ಕಾಣದೆ

ತನುವು ಭಾರವಾಗಿದೆ ನಿನ್ನ ಸೇವೆಯ ತಾ ಮಾಡದೆ| 

ಭಕ್ತಿ ಹೊರತು ಆರ್ಪಿಸಲು ಬೇರೇನಿಲ್ಲಾ  ಗುರುವೇ

ನಿತ್ಯ ನಿನ್ನ ನೆನೆಯದೆ ಮತ್ತೇನೂ ಗೊತ್ತಿಲ್ಲ ಗುರುವೇ|

 ಜೀವಕೆ ಇನ್ಯಾರ ಬಯವಿಲ್ಲ ನಿನ್ನ ಸೇವೆಯಲ್ಲಿದ್ಧಾಗ

 ಹಸಿವಿಲ್ಲಾ  ಧಣಿವಿಲ್ಲ ನಿನ್ನ ನಾಮದ ರಸ ಉಂಡಾಗ|

ಅನ್ಯರ ಚಿಂತೆ ಯಾಕೆ ನೀನಿರುವಾಗ ನನ್ನ ಗುರುವೇ

 ಅಂತರಾಳದಲಿ ನೀ ನೆಲೆ  ನಿಂತರೆ ಸಾಕು ಗುರುವೇ|

ಬೇರೇನೂ ಬೇಡೆನು ನಿನ್ನ ಕರುಣೆಯ ಹೊರತು ಗುರುವೇ

ಸಾರ್ಥಕ ಬದುಕು ನಡೆಸುವ ಬಲ ನೀಡೋ ಗುರುವೇ|