ಗುರುನಾಥ ಗಾನಾಮೃತ
ಮಲ್ಲಿಗೆ ಹೂವು ಗುರುವಿನಡಿಗೆ
ರಚನೆ: ಅಂಬಾಸುತ
ಮಲ್ಲಿಗೆ ಹೂವು ಗುರುವಿನಡಿಗೆ
ಎನ್ನ ಮನದ ಮಲ್ಲಿಗೆ ಹೂವು ಗುರು ನಿನ್ನಡಿಗೇ ||ಪ||
ಸದ್ದು ಮಾಡದ ನಾಲಿಗೆಯಿಂದ ಸಾಧನೆಯೂ
ಬಣ್ಣ ಕಾಣದ ಕಣ್ಣಿಂದ ಸಾಧನೆಯೋ
ಅನ್ಯ ವಾರ್ತೆ ಕೇಳದ ಕಿವಿಯಿಂದ ಸಾಧನೆಯೋ
ಈ ಸಾಧನೆಯಿಂದ ಮನ ಮಲ್ಲಿಗೆ ಬಿರಿಯುವುದೋ ||೧||
ನಿನ್ನ ಅರ್ಚಿಸುವಾ ಕರದಿಂದ ಸಾಧನೆಯೋ
ನಿನ್ನ ಕ್ಷೇತ್ರವಾ ಬಿಡದಾ ಪಾದದಿಂ ಸಾಧನೆಯೋ
ನಿನ್ನ ಪಾದಧೂಳಿರುವಾ ಶಿರದಿಂದ ಸಾಧನೆಯೋ
ಈ ಸಾಧನೆಯಿಂದಾ ಮನ ಮಲ್ಲಿಗೆ ಬಿರಿಯುವುದೋ ||೨||
ನಿನ್ನ ಸೇವೆಗೈವಾ ಜನ್ಮವೇ ಸಾಧನೆಯೋ
ಸಖರಾಯಧೀಶಾ ಎಂಬುದೂ ಸಾಧನೆಯೋ
ನಿನ್ನ ಸದ್ಗುರುವಾಗಿ ಪಡೆದುದೇ ಅಂಬಾಸುತನಾ ಸಾಧನೆಯೋ
ಈ ಸಾಧನೆಯಿಂದ ಮನ ಮಲ್ಲಿಗೆ ಬಿರಿಯುವುದೋ ||೩||
