ಗುರುನಾಥ ಗಾನಾಮೃತ 

ಬಾರಯ್ಯ ಅವಧೂತನೇ ಎಮ್ಮಯ ಮನೆಗೇ

ರಚನೆ: ಅಂಬಾಸುತ 

ಬಾರಯ್ಯ ಅವಧೂತನೇ ಎಮ್ಮಯ ಮನೆಗೇ

ಬಾಗಿಲ ತೆರೆದೂ ಕಾದಿರುವೇ ||ಪ||

ಈ ಮನಮನೆಯನ್ನು ಶುಚಿಗೊಳಿಸಿಹೆನೋ ದೇವಾ

ಆರು ಅರಿಗಳನೂ ದೂರಕೆ ತಳ್ಳುತಾ||೧||

ದೇಹಭಾವವ ಬಿಡಿಸೀ ಆತ್ಮಭಾವದೋಳಿರಿಸೀ

ಎಮ್ಮನುದ್ಧರಿಸಲೂ ತಡ ಮಾಡದೇ ಇನ್ನೂ ||೨||

ಬೇಧಭಾವವ ಅಳಿಸೋ ನಿಜ ಬೋಧರೂಪನೇ

ಚಿತ್ತವ ಅಂಬರವಾಗಿಸಲು ನೀ ಬೇಗಾ ||೩||

ಗೂಢವ ಅರಿಯದವನೋ ಬಲು ಮೂಢ ನಾನೂ

ಗಾಢಾಂಧಕಾರ ಅಳಿಸಲು ನೀ ಬೇಗನೇ ||೪||

ಅನವರತ ಭಜಿಸುವ ಈ ಅಂಬಾಸುತನಾ

ಅಂತರಂಗದ ಮನೆಗೇ ಬಲು ಬೇಗನೇ ||೫||