ಗುರುನಾಥ ಗಾನಾಮೃತ 

ಸದ್ಗುರುವೇ ತಾಯಿಯೂ ಸದ್ಗುರುವೇ ತಂದೆಯೂ

ರಚನೆ: ಅಂಬಾಸುತ 

ಸದ್ಗುರುವೇ ತಾಯಿಯೂ ಸದ್ಗುರುವೇ ತಂದೆಯೂ

ಸದ್ಗುರುವೇ ಸಕಲವೂ ನಮಗೆಲ್ಲಾ

ಸಖರಾಯಪುರದಾ ಸದ್ಗುರುವ ನೆನೆದರೇ

ದುಖಃ ಸಂಕಟವೆಂಬುದೇ ಇಲ್ಲಾ ||ಪ||

ಅನಾಥ ಭಾವ ಅಳಿಸೀ ಆಶ್ರಯವನ್ನು ನೀಡೀ

ಸಂತತ ಸಲಹುವನು ಸದ್ಗುರುನಾಥನೂ

ಬೇಡದೇ ನೀಡುವನು ಬೇಡಿಕೆ ಎಲ್ಲವನೂ

ಕಲಿಯುಗದ ಕಾಮಧೇನು ಕಲ್ಪವೃಕ್ಷ ಇವನೂ ||೧||

ಶುದ್ದಂತಃಕರಣದಿ ಬದ್ದನಾಗೀ ಭಜಿಸೇ

ಎದುರು ತಾ ನಿಲ್ಲುವನು ಸದ್ಗುರುನಾಥನೂ

ಕೊಳೆಯಾ ತೊಳೆದೂ ಮನದಿ ಜ್ಞಾನದೀವಿಗೆ ಬೆಳಗಿ

ಹರಿಹರರಾ ರೂಪ ತಾಳಿ ನಿಲ್ಲುವನಿವನೂ ||೨||

ದುಷ್ಟರಿಗೆ ಕಷ್ಟನೂ ಶಿಷ್ಟರಿಗೇ ಇಷ್ಟನೂ

ವಿಶಿಷ್ಟ ರೂಪನೂ ಸದ್ಗುರುನಾಥನೂ

ಮಾಯೆಯಾ ಸರಿಸುವಾ ಮಹನೀಯನೂ

ಮಾತೆಯಾಗೀ ಮಮತೆ ತೋರುವನಿವನೂ ||೩||

ಅಂಬಾಸುತನ ಅಂತರಂಗದೊಳಿರುವನು

ಅನವರತ ಪೊರೆವನು ಸದ್ಗುರುನಾಥನು

ಶ್ರೀವೇಂಕಟಾಚಲನೆಂಬಾ ಅವಧೂತನೂ

ಧರೆಯಾನುಧ್ಧರಿಸೇ ತಾ ಓಡಿ ಬಂದಿಹನೂ ||೪||