ಗುರುನಾಥ ಗಾನಾಮೃತ 

ಮುಖಕಮಲ ತೋರಯ್ಯ ಗುರುದೇವಾ 

ರಚನೆ: ಅಂಬಾಸುತ 

ಮುಖಕಮಲ ತೋರಯ್ಯ ಗುರುದೇವಾ 

ನಿನ್ನ ಮುಖಕಮಲ ತೋರಯ್ಯಾ ಗುರುದೇವಾ ||ಪ||

ರವಿ ಶಶಿಯರು ನಿನ್ನ ನೇತ್ರವಾಗಿಹರಂತೇ

ಶಾರದೆಯೂ ನಿನ್ನಾ ನಾಲಿಗೆಯೊಳಿಹಳಂತೇ ||೧||

ಭಸ್ಮರೂಪಿ ಹರ ಹಣೆಯುಳಿಹನಂತೆ

ಆ ಹರಿಯ ಚೈತನ್ಯ ವದನ ತುಂಬಿಹುದಂತೇ ||೨||

ಕ್ಷಣಕಾಲ ನಗುವಂತೆ ಕ್ಷಣಕಾಲ ಮುನಿಸಂತೆ

ನಿನ್ನ ಅರಿತವರಾರೂ ಇಲ್ಲಿ ಇಲ್ಲವಂತಯ್ಯ ||೩||

ಬಳಲಿ ಬಂದಿಹೆನಯ್ಯಾ  ಕಾದು  ನಿಂದಿಹೆನಯ್ಯಾ

ನೀನೆ ಗತಿ ಎಮಗೆಂದು ನಾನು ನಂಬಿಹೆನಯ್ಯಾ ||೪||

ಕಂಡವರೆ ಪುಣ್ಯದಾ ಹೊರೆಹೊತ್ತು ಬಂದವರು

ಕಾಣದವರಾ ಕರ್ಮ ಎಂದಿಗೂ ಕಳೆಯದೋ ||೫||

ಸಖರಾಯಪುರಾಧೀಶಾ ಸದ್ಗುರುನಾಥಾ

ಅಂಬಾಸುತನ ಈ ಅರಿಕೆ ನೀ ಕೇಳಯ್ಯ ||೬||