ಗುರುನಾಥ ಗಾನಾಮೃತ 

ದಾಸತನದೊಳು ಸುಖವಿಹುದು ಅರಿಯೋ

ರಚನೆ: ಅಂಬಾಸುತ 

ದಾಸತನದೊಳು ಸುಖವಿಹುದು ಅರಿಯೋ

ನಮ್ಮ ಸದ್ಗುರುವಿನ ದಾಸರ ದಾಸರ ದಾಸರ

ದಾಸತನದೊಳು ಸುಖವಿಹುದು ಅರಿಯೋ ||ಪ||

ಅನುಭವಾಮೃತ ಕೇಳುತಾ ಅವರಡಿಗಡಿಗೆರಗುತಾ

ಅಂತರಂಗದಿ ಸದ್ಗುರು ಮೂರುತಿಯ ನಿಲ್ಲಿಸುವಾ ||೧||

ಅಹಂಕಾರಾದಿ ಅರಿಗಳನೂ ದೂರಕೇ ತಳ್ಳುತಾ

ಆನಂದ ನೀಡೋ ಅಂತಃಕರಣ ಶುದ್ಧತೆಯ ಸಾಧಿಸುವಾ ||೨||

ಜ್ಞಾನ ದೀವಿಗೆ ಬೆಳಗೋ ಅಜ್ಞಾನ ತಮ ಕಳೆಯೋ

ಆತ್ಮೋದ್ಧಾರಕೆ ಮೊದಲ ಹೆಜ್ಜೆಯೂ ಎನಿಸಿರುವಾ ||೩||

ಸತ್ಸಂಗ ಸತ್ಚಿಂತನೇ ಸಮಗ್ರ ಸದ್ಗುರುವಿನಾ ವರ್ಣನೇ

ಸಾಲದಿಹುದೇ ಇಲ್ಲದಾ ಪರಮ ಸುಖಧಾಮ ಎನಿಸುವಾ ||೪||

ಸಖರಾಯಪುರಾಧೀಶಾ ನಿನ್ನ ದಾಸರ ದಾಸರ ದಾಸರ

ದಾಸತನದೊಳೀ ಅಂಬಾಸುತಗೆ ಸುಖವಿಹುದು ಅರಿಯೋ ||೫||