ಗುರುನಾಥ ಗಾನಾಮೃತ 

ಸಖರಾಯಪುರಾಧೀಶಾ ನಗುತಾ ನಿಂತಾನೇ

ರಚನೆ: ಅಂಬಾಸುತ 

ಸಖರಾಯಪುರಾಧೀಶಾ ನಗುತಾ ನಿಂತಾನೇ

ನಂಬಿಹ ಭಕುತರ ಸಲಹಲು ತಾನಿದ್ದೇನೆಂದಾನೇ ||ಪ||

ದಿಟ್ಟನಾಗಿ ತಾನಿದ್ದಾನೇ ದಟ್ಟಿ ಸುತ್ತಿಕೊಂಡಿದ್ದಾನೇ

ದೃಷ್ಟಿಯಿಂದಲೇ ದುಷ್ಟರ ದುಷ್ಟತನವಾ ಸುಟ್ಯಾನೇ ||೧||

ಹರಿಹರನಾಗಿ ಕಂಡಿದ್ದಾನೇ ಹೂಮನಸೊಳಗೆ ತಾನಿದ್ದಾನೇ

ಶರಣಾಗತ ಭಾವದಿ ಬಂದವರಿಗೆ ನೆರಳಾಗಿದ್ದಾನೇ ||೨||

ಕೊಟ್ಟರೆ ಗೆದ್ದೆ ಎಂದಿದ್ದಾನೆ ಇಟ್ಟರೆ ಸೋತೆ ಎಂದಿದ್ದಾನೇ

ಗಂಟುಕಳ್ಳರ ದೂರ ಇರಿಸೊ ದಾರಿ ತೋರ್ಯಾನೇ ||೩||

ಹೆತ್ತವರಂತೆ ಸಲಹುತ್ತಾನೆ ಭಕುತರ ಹೊತ್ತು ತಿರುಗುತ್ತಾನೇ

ಸತ್ಯದ ಸುಳಿವಾ ನೀಡುತ್ತಾನೇ ಉತ್ತಮನಾಗು ಎಂದಿದ್ದಾನೆ ||೪||

ಅಗಧೂತನಾಗಿ ತಾನಿದ್ದಾನೇ ಅಂಬಾಸುತನಾ ಗುರುವಾಗ್ಯಾನೇ

ಅರಿವಿನ ಮನೆಗೆ ತಾ ದೊರೆಯಾಗಿ ಮರೆಯುತ್ತಿದ್ದಾನೇ ||೫||