ಗುರುನಾಥ ಗಾನಾಮೃತ 

ತೂಗಿದರು ಗುರುನಾಥನ ಸುಮಂಗಲಿಯರು

ರಚನೆ: ಅಂಬಾಸುತ 

ತೂಗಿದರು ಗುರುನಾಥನ ಸುಮಂಗಲಿಯರು

ಮಗು ನೀನು ಎಮಗೆನುತಾ ತೊಟ್ಟಿಲೊಳಗೆ ಮಲಗಿಸಿ ||ಪ||

ಮಾರ್ಗಶಿರಮಾಸದ ಕೃಷ್ಣ ಷಷ್ಠಿಯಂದು 

ಗುರುವರನ ಜನ್ಮೋತ್ಸವದಾ ಶುಭದಿನವಂತೇ

ಸೇರಿಹರು ಭಕ್ತರೂ ಸಿರಿಸಂಭ್ರಮಗಳಿಂದಾ

ತವರೀಗೆ ಬರುವಾ ಹೆಣ್ಣುಮಕ್ಕಳಂತೇ ||೧||

ಪ್ರದೋಷಕಾಲದಲ್ಲಿ ಭಜನೆ ಆರತಿ ಮಾಡಿ

ಬಗೆಬಗೆಯ ಸಿಹಿಯ ತಿನಿಸುಗಳಾ ನೀಡಿ

ಪಲ್ಲಕ್ಕಿಯೊಳು ಕುಳ್ಳಿರಿಸಿ ಸದ್ಗುರುರಾಯನಾ

ತಾಳಮೇಳದೊಂದಿಗೆ ಮೆರವಣಿಗೆ ಮಾಡುತಾ ||೨||

ತೊಟ್ಟಿಲ ಪೂಜೆಯಯಂತೇ ಗುಂಡಪ್ಪನಾ ಆಟವಂತೇ

ನಾಮಕರಣಾ ಭಜಬೆಣ್ಣೆ ಶಾಸ್ತ್ರಾವಿನೋದವಂತೇ

ಭಕುತಿ ಭಾವದಿ ಮೈಮರೆತಾ ಮಂಗಳೆಯರೂ

ಅಲಕೃಂತಗೊಂಡಾ ಮುತ್ತಿನಾ ತೊಟ್ಟಿಲೊಳೂ ||೩||

ನಾಮಸ್ಮರಣೆಯಿಂದ ಜಾಗರಣೆ ಮಾಡುತಾ

ರವಿ ಏರೊ ವರೆಗೂ ತೊಟ್ಟಿಲಾ ತೂಗುತಾ

ಆಡಿ ಪಾಡೀ ಸಂಭ್ರಮದಿ ಕುಣಿದಾಡೀ

ಅಂಬಾಸುತನ ದೊರೆ ಶ್ರೀವೇಂಕಟಾಚಲನಾ ||೪||