ಗುರುನಾಥ ಗಾನಾಮೃತ 

ಜೋಳಿಗೆಯ ಹಿಡಿದು ನಿನ್ನ

ರಚನೆ: ಅಂಬಾಸುತ 

ಜೋಳಿಗೆಯ ಹಿಡಿದು ನಿನ್ನ

ಮನೆ ಮುಂದೆ ನಿಂತಿಹೆ ಗುರುವೇ

ನಿಜ ಭಕ್ತಿ ಎಂಬ ಹಿಡಿ

ಭಿಕ್ಷೆಯಾ ನೀ ನೀಡೋ ||ಪ||

ಭಕ್ತಿ ಇಲ್ಲದ ನಾನೂ

ಬರಿ ಭುಕ್ತನಾಗಿಹೆನೋ

ಯುಕ್ತಿ ಮಾರ್ಗವನರಿಯೇ

ಮುಕ್ತನಾಗಲೂ

ಬಾಗಿಲನು ತೆರೆದು ಬಾ

ಬೇಗ ಹೊರಗೇ ಪ್ರಭುವೇ

ಧೇಹಿ ಧೇಹಿ ಎನುತಿಹೇ

ಕೇಳದೇ ನಿನಗಿನ್ನೂ ||೧||

ಅಪಾತ್ರ ನಾನೆಂಬಾ

ಭಾವ ನಿನ್ನೊಳಗಿಹುದೇ

ನೀ ಬಾರದಿದ್ದರೇ

ಬದುಕಲಾರೆನೊ ನಾನೂ 

ಭಿಕ್ಷೆ ನೀಡಲು ಪಾತ್ರ

ಅಪಾತ್ರವೇತಕೋ

ಈ ದೀನ ಸ್ಥಿತಿ ಕಂಡು

ಕನಿಕರವು ಬಾರದೇ ||೨||

ಭಿಕ್ಷೆ ನೋಡದ ನೀನೂ

ಕಕ್ಷಿಯೊಳು ಉತ್ತಮನೋ ?

ಕರುಣಾಕರನೆಂಬಾ

ಬಿರುದಿಗರ್ಥವು ಏನೋ?

ಅಂಬಾಸುತನು ನಾನು

ಬೇಡಿಕೊಳ್ಳುತಲಿಹೆನೋ

ತಪ್ಪಿದ್ದರೆ ಮನ್ನಿಸೋ

ಭಕ್ತಿ ಭಿಕ್ಷೆಯ ನೀಡೋ ||೩||