ಗುರುನಾಥ ಗಾನಾಮೃತ 

ತೊರೆಯಲಾಗುವುದೇ ಗುರು ನಿನ್ನ ಸೇವೆಯ

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ತೊರೆಯಲಾಗುವುದೇ ಗುರು ನಿನ್ನ ಸೇವೆಯ

ಮರೆತು ಬಾಳಲು ಸಾಧ್ಯವೇ  ಗುರು ನಿನ್ನ ಜಪವ ।। ಪ ।।

ಹೃನ್ಮೂಲೆಯಲಿ ನೆಲೆಸಿಹೆ ನೀ ಭದ್ರವಾಗಿ

ಚಿತ್ತದೊಳೆಗರನ್ನ ಬೆರೆತಿಹೆ ನೀ ಶಾಂತವಾಗಿ |

ಮಾತಿನಲಿ ಬರುತಿಹೆ ನೀ ವ್ಯಕ್ತವಾಗಿ

ಉಸಿರುಸಿರಲಿ ತುಂಬಿಹೆ ನೀ ಚೇತನನಾಗಿ || ೧ ||

ಜನರೆಲ್ಲ ಮೂಢನೆಂದು ‌ನಿಂದಿಸಲಿ

ಭ್ರಾಂತಿಯು ನಿನದೇನೆಂದು ಜರಿಯಲಿ |

ಮಾತುಮಾತಿನಲೂ ಸುಮ್ಮನೆ ಹಂಗಿಸಲಿ

ಹೆಜ್ಜೆಹೆಜ್ಜೆಯಲೂ ಪ್ರಾಬಲ್ಯವವರ ಮೆರೆಯಲೀ || ೨ ||

ಬೇಕಿಲ್ಲ ಪ್ರಭುವೇ ಧನಕನಕಸ್ಥಾನಮಾನ

ಬೇಕಿಲ್ಲ ನಮಗೆ ಕ್ಷಣಿಕಭೋಗದಾ ಸಮ್ಮಾನ

ಕೇಳುವುದೊಂದೇ ನಿನ್ನ  ಇಹಪರದ ಉದ್ಧಾರ

ಕರುಣಿಸು ಗುರುವೇ ಮುಕ್ತಿಮಾರ್ಗದಾ ಶ್ರೀಕಾರ  || ೩ ||