ಗುರುನಾಥ ಗಾನಾಮೃತ 

ಗತಿ ನೀನೇ ಗುರುನಾಥ 

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ಗತಿ ನೀನೇ ಗುರುನಾಥ 

ಈ ಭವದಲಿಹ ನಮಗೆ |

ಮತಿ ನೀನೇ  ಗುರುದೇವ

ಈ ಅಜ್ಞಾನದಲಿಹ  ನಮಗೆ ||

ಮಾತಾಪಿತನು ನೀನು

ಜಗದ ಸಿರಿಯೇ ನೀನು |

ಬಂಧುಸಖನು ನೀನೇ

ನನ್ನ ಮನದೊಡೆಯನೂ ನೀನೇ ||

ನಾ ನುಡಿವ ಮಾತು ನೀ‌ನು

ನಾ ಸ್ಮರಿಸೋ ನಾಮ ನೀನು |

ನಾ ಪೂಜಿಸುವ ದೈವ ನೀನು 

ನಾ ಭಜಿಸುವ ಶಕ್ತಿ ನೀನು ||

ನನ್ನ ಜೀವನವೇ‌ ನಿನ್ನ ಭಿಕ್ಷೆ 

ಸಿಗಲಿ ನನಗೆ ನಿನ್ನ ರಕ್ಷೆ |

ಪದಸೇವೆಯ ಭಾಗ್ಯವ ಕೊಡು ನೀನು

ಕೇಳುವುದೊಂದೇ ನಿನ್ನಲ್ಲಿ ನಾನು ||