ಗುರುನಾಥ ಗಾನಾಮೃತ 

ನಿನ್ನ ನಾಮ ಮರೆಯಿತು ಮನವು ಮಲಿನವಾಯಿತು

ರಚನೆ: ಆನಂದರಾಮ್, ಶೃಂಗೇರಿ  

ನಿನ್ನ ನಾಮ ಮರೆಯಿತು ಮನವು ಮಲಿನವಾಯಿತು

ನಿಮ್ಮ ಸೇವೆಯ ತೊರೆಯಿತು ತನು ಬಾರವಾಯಿತು|

ನಿನ್ನ ಮಾತ ತೊರೆಯಿತು ಹೃದಯ ಕೇಳದಾಯಿತು

ನಯನ ಕಾಣದಾಯಿತು ದರುಶನ ಮಾಡದಾಯಿತು|

ನಿನ್ನ ಸ್ತುತಿಸದಾಯಿತು  ಮಾತು ಹೊರಡದಾಯಿತು

ನಾನು ಮೆರೆಯಿತು ನಿನ್ನ ತೊರೆದು ದೂರ ಮಾಡಿತು|

ತೋರಿಕೆಯ ಬರದಲಿ ನಿನ್ನ ಮರೆತು ಎಲ್ಲಾ ಬೇಡಿತು

ನಿಜ ಬಕುತಿಯ ಮರೆತು ಪದ ಪುಂಜ ಮೆರೆಯಿತು|

ಅರಿವಿಲ್ಲದೆ ನಡೆದಿದೆ ಇದು ಅರ್ಥವಿಲ್ಲದ  ಬದುಕಾಗಿದೆ

ನಿಜವನರಿಯದೆ ನಿನ್ನ ನಂಬದೆ ಬದುಕು ಬರಡಾಗಿದೆ|

ನೀನಿಲ್ಲದೆ ಬೇರೇನು ಬೇಡದು ಈ ಜೀವಕೆ ಸಾಕಾಗಿದೆ

ನಿನ್ನರಿವು ಮೂಡಿಸಿ ಎನ್ನನು ನೀ  ಕೈ ಹಿಡಿಯಬಾರದೆ|