ಗುರುನಾಥ ಗಾನಾಮೃತ 

ಸಖರಾಯಾಧೀಶನಿಗೆ ಲಾಲಿ

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ಸಖರಾಯಾಧೀಶನಿಗೆ ಲಾಲಿ

ಗಡ್ಡದ ಅಯ್ಯನಿಗೇ ಲಾಲಿ‌ |

ದತ್ತಸ್ವರೂಪನಿಗೆ ಲಾಲಿ

ನಿಗಮಾಗಮವೇದ್ಯನಿಗೆ ಲಾಲಿ |

ನರದೇಹದಿರುವ ಶಿವನಿಗೆ ಲಾಲಿ

ಸಕಲಜನವಂದಿತಗೇ ಲಾಲಿ || ೧ ||

ಮುಕ್ತಿಪಥತೋರುವಗೆ ಲಾಲಿ

ಬದುಕ ಗಮ್ಯತೋರಿಪಗೆ ಲಾಲಿ |

ಇಹದಲಿ ಕೈ ಹಿಡಿದವಗೆ ಲಾಲಿ

ಪರದ ಮಾರ್ಗಬಂಧುವಿಗೆ ಲಾಲಿ || ೨ ||

ಭಕ್ತರ ಕರ್ಮಕಳೆವಗೆ ಲಾಲಿ

ಸನ್ಮಾರ್ಗದರ್ಶಿಪಗೆ ಲಾಲಿ |

ಮೂರ್ಲೋಕ ಒಡೆಯಗೇ ಲಾಲಿ 

ನನ್ನಾತ್ಮಬಂಧುವಿಗೆ ಲಾಲಿ || ೩ ||