ಗುರುನಾಥ ಗಾನಾಮೃತ 

ಸಾವಧಾನದಿಂದ ಸೇವೆ ಮಾಡಿ ಧನ್ಯರಾಗಿರೊ

ರಚನೆ: ಅಂಬಾಸುತ 

ಸಾವಧಾನದಿಂದ ಸೇವೆ ಮಾಡಿ ಧನ್ಯರಾಗಿರೊ

ಸಗುಣರೂಪಿ ಗುರುವ ಮೂರುತಿಯ ಮನದಿ ತುಂಬಿಕೊಳ್ಳರೊ ||ಪ||

ವಿಷಯವೆಂಬೊ ವಿಷವ ಬಿತ್ತದೆ ಪರವಶವು ನೀವಾಗಿರೊ

ರಾಗದ್ವೇಶವ ರಾಚೊ ಮಾತನು ಆಡದೆ ಮೌನವಾಗಿ ||೧||

ಕಳೆಯೊ ಸಮಯವ ಕೂಡಿಕೊಂಡು ಕೊಳೆಯ ಕಳೆದುಕೊಂಡು

ತನು ಮನವ ದಂಡಿಸಿ ತನ್ಮಯತೆಯನೇ ಇರಿಸೀ ||೨||

ಅರಿಗಳೆಲ್ಲರ ಮರೆತು ಅರಿವ ಕೊಡುವ ದೊರೆಯ ಅರಸೀ

ಸರಸದಿಂದ ಭಕ್ತಿ ರಸದಿ  ಗುರುವಿನೊಡನಾಡುತಾ ||೩||

ಸಮರ್ಥ ಸದ್ಗುರು ಸುಲಭ ಸಾಧ್ಯನು ಸೇವೆಗೆಂದಿಗೂ

ಅಂಬಾಸುತನ ಪದದೊಳಡಗಿಹ  ಹೇಳಲೆಂದಿಗೂ ||೪||