ಗುರುನಾಥ ಗಾನಾಮೃತ 

ಎಲ್ಲಾ ನಿನ್ನದೇ ಗುರು ಈ ಜಗ ಈ ಮನ ಈ ತನುವು

ರಚನೆ: ಆನಂದರಾಮ್, ಶೃಂಗೇರಿ  

ಎಲ್ಲಾ ನಿನ್ನದೇ ಗುರು ಈ ಜಗ ಈ ಮನ ಈ ತನುವು

ನೀನಲ್ಲದೆ ಇನ್ನೇನಿದೆ ಜಗದಿ ಎಲ್ಲಾ ಗುರುಮಯವು|

ನಾನು ನನ್ನದು ಎಲ್ಲಾ  ಭ್ರಮೆಯು ನೀನೇ ಸತ್ಯವು

ಅಣು ಅಣುವು ತುಂಬಿ ತೋರುತ್ತಿದೆ ನೀನೇ ನಿತ್ಯವು|

ಏನು ನಿನ್ನ ಲೀಲೆಯೋ ಗುರುವೇ ಅರಿವಿಗೆ ಬಾರದು

ಎಲ್ಲಾ ನಿನದೆಂದು ನಿನಗರ್ಪಿಸೆ ಎಲ್ಲಾ ಕಳೆಯುವುದು|

ಮನ ನಿಲ್ಲದೆ ಎಲ್ಲೋ ಓಡುವುದು ಬಾರವಾಗುವುದು

ನಿನ್ನ ಬಜಿಸಿದೊಡೆ ಎಲ್ಲೆಮೀರದೆ ಶಾಂತವಾಗುವುದು|

ಆಸೆ ಬುರುಕನ ಮನವಿದು ಏನನೋ ಬಯಸುವುದು

ನಿನ್ನ ನಾಮವು ನಿಜ ಬಕುತಿಯ ದಾರಿ ತೋರುವುದು|

ನಿರರ್ಥಕ ಜೀವನ ಬೇಡವೋ ಗುರು ಅರ್ಥ ನೀಡೋ

ನೀ ನಡೆವ ಹಾದಿಯಲಿ  ದೂಳುಮಾಡಿ ನಡೆದಾಡೋ|