ಗುರುನಾಥ ಗಾನಾಮೃತ 

ಎಲ್ಲರಂತಲ್ಲ ನನ್ನ ಗುರುವು ಮಹಾ ಮಹಿಮನೋ

ರಚನೆ: ಆನಂದರಾಮ್, ಶೃಂಗೇರಿ  

ಎಲ್ಲರಂತಲ್ಲ ನನ್ನ ಗುರುವು ಮಹಾ ಮಹಿಮನೋ

ಅವನಿಗೆ ಅರಿವಿಲ್ಲದ ವಿಷಯ ಜಗದಲಿ ಇಲ್ಲವೋ|

ಏನು ಮಾಡಿದರೇನು ಅದು ಗುರುವಿಗೆ ಸಾಲದೋ 

ಏನನೂ ಬೇಡನೋ ಅವ  ಎಲ್ಲವನೂ  ಬಿಟ್ಟವನೊ|

ನಲಿದಾನ ಗುರು ನಿಜಬಕುತಿಯ ಕಂಡು ಒಲಿದಾನೋ

ಎಲ್ಲರ ಮನ ಮನದಲೂ ಉಸಿರಲೂ  ಇದ್ಧಾನೋ |

ಕೊಡುವನೋ ನೀ ಬೇಡುವುದ ಗುರು ಹರಸುವನೋ

ಕೇಳುವ ಮೊದಲೇ ಅರಿತು  ನಿನ್ನನು ಸಲಹುವನೋ|

ನುಡಿವನೋ ಮನ ನೋಯದಂತೆ ನಿಜ ಸತ್ಯವನೋ

ಅರಿತು ನಡೆದರೆ ಎಂದೂ ಕೈ ಬಿಡದೇ ಪೊರೆವನೋ|

ಗುರು ಬಕುತಿಯ ಸಾರವ  ಅರುಹಿ  ತೋರಿಹನೋ

ಎಲ್ಲವೂ ಗುರುವೆಂದು ನಂಬಿ ನಡೆದು ತೋರಿಹನೋ|