ಗುರುನಾಥ ಗಾನಾಮೃತ 

ತರಗೆಲೆಯಂತೇ ಬದುಕು

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ತರಗೆಲೆಯಂತೇ ಬದುಕು

ಎತ್ತ ಸಾಗುವುದು ಗುರಿಯಾ ಮರೆತು ||

ಗುರುನಾಮವೆಂಬ ತಂಪಾದ ಗಾಳಿ ಬೀಸಿ

ಗುರುಗೀತೆಯೆಂಬ ಗಂಧದಿ ತೇಲಿ |

ಸೇರಿತು ತರಗೆಲೆ ಗುರುಸಾನಿಧ್ಯವ

ಪಡೆಯಿತು ದಿವ್ಯ ಗುರುಪಾದಸ್ಪರ್ಶವ || ೧ ।।

ಕಂಡಿತದದಕೆ ಅಪೂರ್ವ ದಿವ್ಯಚೇತನಾ

ಸ್ವಾನಂದದಿ ನಗುವ ಪೂರ್ಣಚಂದಿರನಾ |

ಧನ್ಯತೆಯಿಂದ ಪಡೆಯಿತು ಮಾನಸೋಲ್ಲಾಸ 

ಜನ್ಮಾಂತರದ ಚಿದ್ವಿಕಾಸ || ೨ ||

ಮತ್ತೆ ಎತ್ತ ಗಾಳಿ ಬೀಸುವುದೋ 

ಯಾವ ಬಂಧನಕೆ ಸಿಲುಕುವುದೋ |

ಇರುವಷ್ಟು ಘಳಿಗೆ ಸಿಗಲಿ ಸಾರ್ಥಕತೆ

ಗುರುಛಾಯೆಯಡಿಯಲಿ ನಿಶ್ಚಿಂತತೆ || ೩ ||