ಗುರುನಾಥ ಗಾನಾಮೃತ 

ನಿನ್ನ ಚರಣ ಕಮಲ ಕಂಡು ಧನ್ಯವೀ ತನುಮನ

ರಚನೆ: ಅಂಬಾಸುತ 

ನಿನ್ನ ಚರಣ ಕಮಲ ಕಂಡು ಧನ್ಯವೀ ತನುಮನ

ಪುಣ್ಯಶೇಷ ಇದಕೆ ಕಾರಣ ನಾ ಪಾವನಾ ಪಾವನ ||ಪ||

ಸೋಗು  ನೀ ಸಾರಿದ ಪದವ ಪೋಣಿಸುತ್ತಿರಲು

ಪರಮಪುರುಷ  ಪರಂಧಾಮನ ಪಾದ ಕಾಣಬಯಸಿರಲು ||೧||

ರಾಶಿ ಹೆರಳ ನಡುವೆ ನಗುವ ಸೂಸಿದಾ ವದನ

ತೋರುತಾ ತನ್ಮಯದ ಭಕ್ತಿಯ ನೀಡಿದಾ ಪುಣ್ಯಕ್ಷಣ ||೨||

ಸಿಂಹನಂತೆ ಒಮ್ಮೆ ಕಂಡು ತಾಯಿಯಂತೆ ಒಮ್ಮೆ ಬಂದು

ತಿಳಿಯದವನ ಮನಕೆ ಅರಿವ ಹಸಿರು ತೋರಣ ಕಟ್ಟಿದಾ ||೩||

ಆತ್ಮಸಖನ ಆನಂದವೀವನ ಅಂಬಾಸುತನ ಪೊರೆದವನ

ಸಖರಾಯಪುರದೊಳಗೆ ನಿಜಸುಖವ ನೀಡಲು ನಿಂತವನ ||೪||