ಗುರುನಾಥ ಗಾನಾಮೃತ 

ಭಜಕಜನ ಪಾಲಕ ಗುರುದೇವ 

ರಚನೆ: ಅಂಬಾಸುತ 

ಭಜಕಜನ ಪಾಲಕ ಗುರುದೇವ

ನಿನ್ನ ಭಜಿಸುವೆನನವರತ ಉದ್ಧರಿಸೊ ದೇವಾ

ಎಮ್ಮನುದ್ಧರಿಸೊ ದೇವಾ ||ಪ||

ತಂದೆ ತಾಯಿ ಬಂಧು ಬಳಗ

ಸಖ ಸರ್ವಸ್ವ ನೀನೆಂದು ನಂಬುತಲಿ

ನಿನಗೆ ಶರಣಾಗುತಲಿ

ಮಾಯೆಯ ಅಳಿಸೆನ್ನುತಲೀ

ಸುಜ್ಞಾನದ ಹಾದಿಯೊಳಿರಿಸೆನ್ನುತಲಿ

ಹರಸೆನ್ನುತಲೀ ||೧||

ಕನಸಿನಾಚೆಯೊಳೆಮ್ಮನಿರಿಸಿ

ಕಂದನೆನ್ನುತ ಕುಂದುಗಳನ್ನೆಲ್ಲ ಕ್ಷಮಿಸಿ

ಮನವಾ ಸ್ಥಿರಗೊಳಿಸಿ

ಅರಿವಿನಾನಂದವ 

ಸಲಹೊ ಅರಿವಿನ ಅರಸು ನೀನೆನ್ನುತಲೀ

ನಾನೆಂಬುದ ಕಳೆಯುತಲೀ ||೨||

ಸಖರಾಯಪುರದೊಳು ನೆಲೆಸಿ

ಅತ್ಮಸುಖದಾ ಸಾರವನು ಸಾತ್ವಿಕರಿಗುಣಿಸಿ

ಸಚ್ಚಿದಾನಂದನೆನಿಸಿ

ಅಂಬಾಸುತನಾ ಪಾಲಿಸಿ

ಜನ್ಮ ಜನ್ಮಾತಂತರದಾ ಪುಣ್ಯದ ಫಲ ತಾನೆನಿಸಿ

ಪೂರ್ಣತ್ವವ ಬೋಧಿಸಿದೆ ||೩||