ಗುರುನಾಥ ಗಾನಾಮೃತ 

ಗುರುನಾಥ ನೀ ಬೆಳಗಿದೆ ಈ ಬಾಳನು

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ಗುರುನಾಥ ನೀ ಬೆಳಗಿದೆ ಈ ಬಾಳನು

ಮಾತೆಯಾಗಿ ನೀ ಸಲಹಿದೆ ನಮ್ಮನು ||

ಅಜ್ಞಾನದ ಅಂಧಕಾರದಿ ನಾ ಅಡಗಿದ್ದೆ

ಮೋಹದಾ ಮುಸುಕಿನಲಿ ನಾ ಮುಳುಗಿದ್ದೆ |

ಮಿಂಚಾಗಿ ಬಂದೆ ನೀ ನನ್ನ ಮನದಲಿ

ಆಸರೆಯಾಗಿ ನಿಂತೆ ಜೊತೆಯಲಿ || ೧ ||

ಕಲೆತೆ ನಮ್ಮ ವಾಗರ್ಥಗಳಲಿ

ಬೆರೆತೆ ನನ್ನ ಮನೆಮನಗಳಲೀ |

ಬೆಳಗಿದೆ ಸುಜ್ಞಾನದಾ ಜ್ಯೋತಿಯ

ತೋರಿಸಿದೆ ಅರಿವಿನಾ ಮನೆಯ  || ೨ ||

ಅಮಿತಜ್ಞಾನದಾ ಆಗರವಾಗಿಹೆ

ಸ್ವಾತ್ಮಬೋಧದ ಬೋಧಕವಾಗಿಹೆ |

ಮನೋವ್ಯಾಪಾರದಾ ದರ್ಪಣವಾಗಿ

ಆತ್ಮಜ್ಞಾನಪಡೆಯಲು  ಸ್ಫೂರ್ತಿಯಾಗಿ || ೩ ||