ಗುರುನಾಥ ಗಾನಾಮೃತ 

ಅತಿಷಯ ಪ್ರೇಮದಿ ಆದರದಿಂದಲಿ ಕೂಗಿಹೆ ಬಾರೊ ಅವಧೂತ

ರಚನೆ: ಅಂಬಾಸುತ 

ಅತಿಷಯ ಪ್ರೇಮದಿ ಆದರದಿಂದಲಿ ಕೂಗಿಹೆ ಬಾರೊ ಅವಧೂತ

ಆದ್ಯಂತರಹಿತ ಅಪ್ರಮೇಯ ಆನಂದ ರೂಪ ನೀ ಅವಧೂತ ||ಪ||

ಅಹಂಕಾರದ ಅಜ್ಞಾನವನು ಅಳಿಸಲು ಬಾರೋ ಅವಧೂತ

ಸೋಹಂ ಪದವಾ ಮನದೊಳು ನಿಲಿಸಿ ಉದ್ಧರಿಸೆಮ್ಮನು ಅವಧೂತ ||೧||

ಅಂತರಂಗದ ಅರಿಗಳನೆಲ್ಲಾ ದೂರ ಮಾಡೊ ನೀ ಅವಧೂತ

ಸಂಭ್ರಮದಿಂದಲಿ ಸಡಗರದಿಂದಲಿ ನೀನೆಲೆಸಲ್ಲಿ ಅವಧೂತ ||೨||

ಅಣು ಅಣುವಿನಲೂ ಕಣಕಣದಲ್ಲೂ ನೀ ಕಾಣೆನಗೆ ಅವಧೂತ

ಅಚ್ಯುತ ಅನಂತ  ಅಜ ಹರ ನೀನೆಂದು ಭಜಿಸುವೆ ನಿತ್ಯ ಅವಧೂತ ||೩||

ಸತ್ಯ ಮಿಥ್ಯದಾ ಭೇಧವ ತೋರಿ ಸಲಹೋ ಎಮ್ಮನು ಅವಧೂತ

ಸಹನೆ ಸರಳತೆ ತುಂಬಿಹ ಬದುಕನು ಎಮಗೀಯೋ ನೀ ಅವಧೂತ ||೪||

ಸಂತ ಸಂಘ ಸಜ್ಜನರ ಸ್ನೇಹ ಗುರು ಹಿರಿಯರ ಸೇವೆಯ ಅವಧೂತ

ನಿರುತವು ನಿರ್ಮಲ ಮನದಲಿ ಮಾಡುವ ಭಕುತಿಯ ನೀಡೊ ಅವಧೂತ ||೫||

ನೀಡೊ ಮನವ ನೀ ನೀಡೊ ಕಾಡುತಾ ಬೇಡುವೆ ನಿನ್ನಲಿ ಅವಧೂತ

ಅಂಬಾಸುತನ ಅರಿವಿನದೊರೆ ಸಖರಾಯಪುರವಾಸಿ ಅವಧೂತ ||೬||