ಗುರುನಾಥ ಗಾನಾಮೃತ 

ಅವನಿಟ್ಟಂತೆ ನಾನಿರಲೊಲ್ಲೇ

ರಚನೆ: ಅಂಬಾಸುತ 

ಅವನಿಟ್ಟಂತೆ ನಾನಿರಲೊಲ್ಲೇ

ಬಹು ಕೆಟ್ಟತನದಲ್ಲೇ ಕಟ್ಟಿಹೆ ಸಂಸಾರವನ್ನೇ ||ಪ||

ಕೂಡಿಟ್ಟೆ ಕುಡಿಕೆ ಹಣವನ್ನೆ

ಕುಣಿಕೆ ಹಾಕುತಲಿ ಕಡುಬಡವರಿಗೆ

ಕನಿಕರಿಸದೆ ಬಂದೆ ನಾನು

ಕನಕಮಯ ಸತಿಯ ಕನಸ ಕಾಣುತಲಿ ||೧||

ಲೆಕ್ಕಾಚಾರದಿ ಬದುಕುತಲಿಹೆನು

ತುತ್ತು ಅನ್ನವನ್ನೂ ಲೆಕ್ಕ ಹಾಕುತಲಿ

ಕಂಡವರ ಕುತ್ತಿಗೆ ಕುಯ್ದೇ

ಕಟ್ಟಿಕೊಳ್ಳಲು ಎನ್ನ ಅರಮನೆಯನ್ನ ||೨||

ಕೈಚಾಚಿ ನೀಡೇ ಒಂದಾಣೇ

ನೀಡಿದ ದಿನ ನಾ ಹೋಗುವೆ ಎನ್ನಾಣೆ

ನೋಡೇ ನೋಡೇ ಎನ್ನುತ ನಾನಾಡಿದೆ

ನಾಟಕವಾ ಬಹುವಿಕಟತನದಿ ||೩||

ರೇಷಿಮೆ ರುಮಾಲು ಸುತ್ತಿ

ತಲೆ ಎತ್ತಿ ಸಿರಿಗೆ ಕಣ್ಣೊತ್ತಿ

ಮತಿವೀವ ಗುರುನಾಥನ ಬದಿಗೊತ್ತಿ

ಅಂಬಾಸುತನ ಮತಿಗೆ ಪದವಿಕ್ಕೀ ||೪||