ಗುರುನಾಥ ಗಾನಾಮೃತ 

ದೇವದೇವನೇ ಸಖರಾಯಾಧೀಶನೇ 

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ದೇವದೇವನೇ ಸಖರಾಯಾಧೀಶನೇ 

ದಾರಿತೋರೆಮಗೆ ಅನವರತ ಅವಧೂತನೇ ||

ಈ ಮನೆಯ ನೀನೆಲೆಸೋ ಗುಡಿಯಾಗಲಿ

ಈ ಪದವು ನಿನ್ನ ಜಪಿಸೋ ಹಾಡಾಗಲಿ  |

ಗುರುಭಕ್ತಿ ಮನದಲ್ಲಿ ಸದಾ ಹಸಿರಾಗಿರಲೀ 

ಗುರುಸೇವೆಗೆ ಸತತವೂ ಸಿದ್ಧವಾಗಲೀ || ೧ ||

ಕಾಯುತಿಹೆ ನಿನ್ನಾಗಮನಕೆ ಪ್ರತಿ ಕ್ಷಣವೂ

ಜಪಿಸುತಿಹೆ ನಿನ್ನ ನಾಮವೇ ಅನುಕ್ಷಣವೂ |

ಗುರುತತ್ತ್ವವು ಹೃದಯದಲಿ ಅಚ್ಚೊತ್ತಿರಲಿ

ಗುರುವಾಕ್ಯಗಳ ಸದಾ  ಅನುಸರಣೆಯಿರಲೀ || ೨ ||

ನಿನ್ನ ಹಾರೈಕೆಯೇ ನಮ್ಮ ಬದುಕು‌‌

ನಿನ್ನ ಸಂತೋಷವೇ ನಮಗೆ ಬೆಳಕು |

ಗುರುನಿಷ್ಠೆಯು ಸದಾ ಎನ್ನ ಜೊತೆಯಿರಲಿ 

ಗುರುಪಾದದಲಿ ಮನವೆನ್ನ ಲೀನವಾಗಲಿ || ೩ ||