ಗುರುನಾಥ ಗಾನಾಮೃತ 

ಕಾದಿರುವೆನೋ ಗುರುನಾಥಾ

ರಚನೆ: ಅಂಬಾಸುತ 

ಕಾದಿರುವೆನೋ ಗುರುನಾಥಾ

ನಿನ್ನ  ಗುಡಿ ಬಾಗಿಲಲೀ

ದರುಷನವನು ಬೇಡೀ ||ಪ||

ಅವಗುಣಗಳನೆಣಿಸದಿರೋ ಅತಿ ದೀನ ನಾನೋ

ಆರ್ದ್ರಭಾವದೀ ಕೂಗುತಿಹೆ ಬಾರೋ ||೧||

ನಾಥ ನೀನೂ ಅನಾಥ ನಾನೂ

ಕನಿಕರಿಸಿ ಕೃಪೆ ತೋರೋ ಕರುಣಾಮಯಿ ಇನ್ನೂ ||೨||

ನೀ ಸರ್ವಸ್ವ ಎನಗೆಂದು ನಂಬಿರುವೇ

ಗತಿ ನೀನು ಸನ್ಮತಿಯಾ ಪಾಲಿಸೆಂದು ಬೇಡಲೂ ||೩||

ದರುಷನವ ನೀನಿನ್ನು ನೀಡದಿದ್ದರೇ

ದೀನಪರಿಪಾಲಕ ಎನ್ನುವುದು ಹೇಗೇ

ಸಖರಾಯಪುರಾಧೀಶಾ ಹೇ ಸದ್ಗುರುನಾಥಾ

ನಿನ್ನ ದಾಸರ ದಾಸ ಅಂಬಾಸುತ ನಾ ||೪||