ಗುರುನಾಥ ಗಾನಾಮೃತ 

ಬೇಡುವೆ ನಿನ್ನನು ಬೇಗನೆ ಬಾರೋ

ರಚನೆ: ಅಂಬಾಸುತ 

ಬೇಡುವೆ ನಿನ್ನನು ಬೇಗನೆ ಬಾರೋ

ಭಾಗ್ಯದ ನಿಧಿ ನೀ ಗುರುವರ್ಯಾ

ಭಾವಿಕ ಮನವಿದು ಹಾತೊರೆದಿಹುದೂ

ಕಾಯಿಸ ಬೇಡವೋ ಗುರುವರ್ಯಾ ||

ಗತಿ ನೀ ಎನ್ನುವ ಮತಿಯ ಪಾಲಿಸುತಾ

ಗತಪಾಪ ಕಳೆಯೋ ಗುರುವರ್ಯಾ

ಹಿತವಾದ ನಿನ್ನೆರಡು ಪದಕುಸಮಗಳಾ

ಎನ್ನ ಮನದೊಳಗಿರಿಸೊ ಗುರುವರ್ಯಾ ||

ಅರಿತರಿಯದೆ ಮಾಡಿದ ಪಾಪಗಳಾ

ಅರಿ ಎಂದು ಸುಟ್ಟುಬಿಡೊ ಗುರುವರ್ಯಾ

ಅಂಬಿಗನು ನೀನಯ್ಯ ಪಯಣಿಗ ನಾನಯ್ಯ

ಭವಸಾಗರ ದಾಟಿಸೋ ಗುರುವರ್ಯಾ ||

ನೀ ತಂದೆ ತಾಯಿಯೂ ನೀ ಬಂಧು ಬಳಗವೂ

ನೀನೆನಗೆ ಸಕಲವು ಗುರುವರ್ಯಾ

ನೀ ತೋರೊ ಹಾದಿಯಲೇ ನಾನೆಂದೂ ನೆಡೆವೇ

ಎನ್ನ ಕರ ಬಿಡಲೆ ಬೇಡವೋ ಗುರುವರ್ಯಾ ||

ಸಖರಾಯಪುರಾಧೀಶಾ ಸದ್ಭಕ್ತಪಾಲಕ

ಕೃಪಾಸಮುದ್ರ ಗುರುವರ್ಯಾ

ಅಂಬಾಸುತನ ಅನವರತ ಪೋಷಿಸುತಿಹಾ

ಆದ್ಯಂತರಹಿತಾ ಗುರುವರ್ಯಾ ||