ಗುರುನಾಥ ಗಾನಾಮೃತ 

ಏಕೆ ಚಿಂತೆ ಮಾಡುತೀಯಾ ತಂಗಿ

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ಏಕೆ ಚಿಂತೆ ಮಾಡುತೀಯಾ ತಂಗಿ

ಗುರುನಾಥರು ಜೊತೆಗಿರುವಾಗ

ಚಿಂತೆ ಯಾಕೆ ಮಾಡುತೀಯಮ್ಮಾ ||

ಭವದ ಸುಳಿಗೆ ಬಿದ್ದ ಜನಕೆ

ಅದನು ದಾಟುವ ತೀರದ ಬಯಕೆ |

ಚಿಂತೆಯನ್ನು ದೂಡು ದೂರಕೆ  

ಅರ್ಪಿಸೆಲ್ಲವ ಅವನ ಪಾದಕೆ || ೧ ||

ಮಾಯೆಯಾ ಜಗವಿದಮ್ಮಾ 

ಭ್ರಮೆಯನು ದೂರವಿಡಮ್ಮಾ |

ಗುರುವೇ ನಮಗೆ ಈಶ್ವರ 

ಭೋಗವೆಲ್ಲ ಜಗದಿ ನಶ್ವರ || ೨ ||

ನಾಮವೊಂದೇ ಇಲ್ಲಿ ಶಾಶ್ವತ 

ಜಪಿಸು ಅದ ನೀ ಅನವರತ |

ನಾಮವೇ ನರಜನ್ಮತಾರಕ

ಆಗಲದು ಬಂಧಮೋಚಕ || ೩ ||