ಗುರುನಾಥ ಗಾನಾಮೃತ 

ಎನಿತು  ವರ್ಣಿಸಲಿ ತಾಯೇ ಈ ನಿನ್ನ ರೂಪವಾ 

ರಚನೆ: ಅಂಬಾಸುತ 

ಎನಿತು  ವರ್ಣಿಸಲಿ ತಾಯೇ ಈ ನಿನ್ನ ರೂಪವಾ 

ರಾಗ ಭಾವವ ತುಂಬಿ ಪಾಡುವ ಆಸೆ ಎನಗೆ ||ಪ||

ಪಟ್ಟೆ ಪೀತಾಂಬರ ಉಟ್ಟು ಪುಟ್ಟ ಕಾಲುಂಗುರ ತೊಟ್ಟು 

ಶೋಢಶ ತಾಂಬೂಲ ಕುಟ್ಟಿ ಬಾಯೊಳಗಿಟ್ಟು 

ಉದಯಿಸುತಿಹಾ ಸೂರ್ಯನ ತಿಲಕ ಮಾಡಿಟ್ಟುಕೊಳುತಾ 

ತಂಪಾದ ಚಂದ್ರನ ಶಿರದೊಳು ಮುಡಿದಿರೇ ||೧||

ಕಪ್ಪು ಕಾಡಿಗೆಯಾ ಕಣ್ಣೆರಡರೊಳು ಪೂಸೀ

ಆ ಮದನನ ಬಿಲ್ಲಾ ಹುಬ್ಬಾಗೀ ಧರಿಸೀ 

ಚಿನ್ನದ ಗಿಳಿ ಜಪಸರ ಕರದೊಳಗಿರಿಸೀ 

ಎನ್ನಂಧಕಾರಾ ಕೀಳೇ ಚಿನ್ಮುದ್ರೆ ಧರಿಸಿಹಾ ||೨||

ಕರದೊಳು ಹಸಿರು ಬಳೆ ಘಲ ಘಲರೆನುತಿರೆ

ಪಾದದೀ ಗೆಜ್ಜೇ ಝಣ ಝಣ ಝಣರೆನುತೇ 

ವಜ್ರದ ಮೂಗುತಿ ಫಳ ಫಳ ಹೊಳೆದಿರೆ 

ಚಿನ್ನದ ಮೂಗುತಿ ನಿಘಿ ನಿಘಿ ಮಿನುಗುತಿಹಾ ||೩||

ರತ್ನದ ಜಢೆಬಿಲ್ಲೆ ಕೇಶರಾಶಿಯೊಳಗೆ 

ಮರಕತ ವೈಢೂರ್ಯದ ಮುಕುಟಾ ಶಿರದೊಳಿರೆ 

ನಡುವಿನಲಿ ನಾಗಾಭರಣ ಒಡ್ಯಾಣವಾಗಿರೆ 

ಪಚ್ಚೆ ನೀಲಗಳ ಸರ ಕಂಠದೀ ಮೆರೆಯುತಿರೇ ||೪||

ಕಂದನಂದದಿ ನಿನ್ನ ಹಾಲ್ಗಲ್ಲವ ಪಡಿದೂ 

ಗೋಗರೆದು ಬೇಡುವೆನೂ ಜ್ಞಾನಾ ನೀಡಿನ್ನೂ 

ಶೃಂಗೇರಿ ಪುರವಾಸೇ ಶಾರದಾಂಬೆಯೆ ನಿನ್ನ 

ನೋಡಲು ಕಣ್ಣೆರಡು ಸಾಲದು ಅಂಬಾಸುತನಿಗೆ||೪||