ಗುರುನಾಥ ಗಾನಾಮೃತ 

ಸಖರಾಯಪುರವಾಸಿಯೇ ಸದ್ಗುರುವರಾ

ರಚನೆ: ಅಂಬಾಸುತ 

ಸಖರಾಯಪುರವಾಸಿಯೇ ಸದ್ಗುರುವರಾ

ಸತತ ಪೊರೆಯೋ ಭಕುತರಾ ||ಪ||

ಶ್ರೀನಿವಾಸ ಶಾರದೆಯಾ ಉದರದಿ ಜನಿಸಿದೆ

ವೇಂಕಟಾಚಲ ನಾಮದೀ

ಶರಣು ಹೊಕ್ಕ ಭಕುತ ಜನರನು ಕರುಣದಿಂದಾ ಕಾಯಲೆಂದೇ

ಧರೆಯೊಳವತರಿಸಿದೆ ನೀ ದತ್ತನ ರೂಪೀ ||೧||

ಪತಿಭಿಕ್ಷೆಯನು ಬೇಡಿ ಸತಿಯೊಬ್ಬಳು

ನಿನ್ನ ಪಾದವ ಪಿಡಿದಿರೇ

ಸೌಭಾಗ್ಯ ದ್ರವ್ಯಗಳನೇ ಆ ಸತಿಗೆ ನೀ ನೀಡೀ

ಮರಳಿ ಬರುವನು ನಿನ್ನ ಪುರುಷ ಮರುಕಪಡದಿರು ಎಂದಿಹೇ||೨||

ಬಂದಂಥಾ ಭಕುತರಿಗೇ ಅಡಿಗಡಯನು ಮಾಡಲು

ಜಲಕ್ಷಾಮ ತಲೆದೋರಿರೇ

ಆಕರ್ಷಿಸಿದೇ ಮೇಘಗಳನೂ ನೋಡುತಾ ಆಕಾಶವನ್ನೂ

ಮಳೆಯ ಸುರಿಸಿದೆ ಮಹಾನೀಯನೆ ಜಲಕ್ಷಾಮವ ಕಳೆಯಲೂ ||೩||

ಸನ್ಯಾಸಿ ತಾನಾಗಲೂ ಬಾಲಕನೊಬ್ಬಾ

ಆಗ್ರಹದಿ ಬೇಡಿರಲೂ

ಕಾವಿ ದೇಹಕ್ಕಲ್ಲ ಕನಸನು ಕಾಣುವುದ ನೀನೀಗಲೇ ಬಿಡು

ನಿತ್ಯ ಸಾಧನೆ ಮಾಡು ಮನಸಿಗೆ ಕಾಷಾಯ ವಸ್ತ್ರ ತೊಡಿಸೆಂದೇ ||೪||

ಮಡಿಲು ತುಂಬದ ಮಾತೆಗೇ ನಾ ಮಗನಿಹೆ

ಚಿಂತೆ ಏತಕೆ ಎಂದೇ

ಮುತ್ತಿನಂಥಾ ಮಾತನಾಡುತ ಮನಸಿನಾ ಕಲ್ಮಷವ ಕಳೆಯುತಾ

ಮೋಹದಾಹವ ನೀಗಿಸಿದೆ ನೀ ಮಹಾನುಭಾವನೇ ||೫||

ಗುರುವೇ ದೈವವೆಂದೇ

ಗುರುತರ ಭಾಗ್ಯ ಗುರುವಿಂದಲೇ ಎಂದೇ

ಮಾತೆಯಾದೆ ಪಿತನು ಆದೆ ಸೋದರನಾದೆ ಸಖನು ಆದೇ ಧರ್ಮಮಾರ್ಗವ ತೋರುತಾ ಎಮ್ಮನುದ್ದರಿಪಾ ಸದ್ಗುರುವಾದೇ ||೬||

ಅತಿಷಯದಾ ಭಕುತಿಯಲೀ ಬೇಡಡಿಹೆನಯ್ಯಾ

ಅನುಗ್ರಹಿಸೋ ಈ ಪಾಮರನಾ

ಅಂಬಾಸುತನಾ ಪದಗಳ ಈ ಮಾಲೆಯ ನೀ ಧರಿಸೋ

ತಪ್ಪುಗಳನೂ ಮನ್ನಿಸುತಲೀ ಎನ್ನನಪ್ಪಿ ಒಪ್ಪಿಕೊಳ್ಳೋ ||೭||