ಗುರುನಾಥ ಗಾನಾಮೃತ 

ನಿನ್ನ ಸೇವೆ ಇರಲೀ ನಿರಂತರಾ

ರಚನೆ: ಅಂಬಾಸುತ 

ನಿನ್ನ ಸೇವೆ ಇರಲೀ ನಿರಂತರಾ

ಕಾಪಿಟ್ಟು ಸಲಹೋ ದಯಾಕರಾ ||ಪ||

ಧನದಾಸೆಗೇ ದುರ್ಜನರಡಿಯಾಳಾಗೀ

ಇರಲಾರೆನಯ್ಯಾ ಗುರುವರಾ

ಕ್ಷಣಿಕಾದ ಸುಖಕೇ ಹಲವೂ ಕ್ಷಣಗಳನೂ

ನಿನ್ನ ಮರೆತಿರಲಾರೆ ಗುಣಾಕರಾ ||೧||

ಮಡದಿ ಮಕ್ಕಳೆಂಬಾ ಮೋಹಾವ ತುಂಬಿಕೊಂಡೂ

ನಿನ್ನ ಮರೆಯಲಾರೆನೋ ಜಗದಾಧಾರಾ

ರುಚಿಯಾ ಹುಡುಕುತಲಿ ವಿಚಾರ ಮಾಡದೇ

ನಿನ್ನ ಸಂಘ ತೊರೆಯೆನೋ ಹೇ ಸುಂದರಾ ||೨||

ಹೆಸರೂ ಉಸಿರಿಗಾಗೀ ಹಲವರ ಕಾಲ್ಪಿಡಿದೂ

ನಿನ್ನ ತೆಗಳಲಾರೆನೋ ಸುಖಸಾರಾ

ಪಾಪ ಕೋಪಗಳನು ಮೈಮೇಲೆ ಎಳೆದುಕೊಂಡೂ

ನಿನ್ನ ಪರಂಧಾಮಕೇ ಬಾರದಿರೆನೋ ಕರುಣಾಕರಾ ||೩||

ನಿತ್ಯ ಸತ್ಯ ಚಿತ್ತ ಆನಂದ ರೂಪಾ

ಅಂಬಾಸುತನ ಬಾಳ ಬೆಳಗೋ ಪ್ರದೀಪಾ

ಸಖರಾಯಪುರಾಧೀಶಾ ಸದ್ಗುರುನಾಥಾ

ನಿನ್ನ ಪಾದದಡಿಯೊಳು ಎನ್ನ ಇರಿಸೋ ಘನಸಾರಾ ||೪||