ಅವಧೂತ - ಅಸಮಾನ್ಯ - ಅಪ್ರಮೇಯ - ೨೪

ಸಂಗ್ರಹ : ಅಂಬಾಸುತ 

ಎಲ್ಲೇ ಹೋದರೂ ನನ್ನ ಗುರುನಾಥ ನನ್ನ ಜೊತೆಯಲ್ಲೇ ಇರುತ್ತಾನೆಂದು ನಂಬಿ ರಾಮೇಶ್ವರಕ್ಕೆ ತೆರಳಿದ ಯುವಭಕ್ತನಿಗೆ ರಾಮೇಶ್ವರ ದೇವಾಲಯದಲ್ಲಿ ಕಣ್ಣು ಮಿಟುಕಿಸುವಷ್ಟರಲ್ಲೇ ಆತನ ಸದ್ಗುರುಗಳು ದರ್ಶನ ನೀಡಿ ಕಾಣದಾಗುತ್ತಾರೆ. ಗಾಬರಿಯಿಂದ ಪುನಃ ಆತ ನೋಡಲು ಅಲ್ಲಿ ಕೆತ್ತನೆಯ ಶಿಲಾ ವಿಗ್ರಹವೊಂದಿದ್ದಿತು.ಕಣ್ತುಂಬಿಕೊಂಡ ಗುರುಮೂರ್ತಿಗೆ ಮನಸ್ಸಿನಲ್ಲೇ ನಮಿಸಿದ ಆ ಭಕ್ತ ನೀನೇ ನಿಜ ರಾಮೇಶ್ವರನೆಂದು ನಮಸ್ಕರಿಸುತ್ತಾನೆ. ಇದು ಆತನ ಭ್ರಮೆಯೋ ಅಥವಾ ನಿಜವಾಗಿಯೂ ಗುರುನಾಥನ ಕೃಪೆಯೋ ಆತನಿಗಂತೂ ಸ್ಪಷ್ಠತೆ ಇಲ್ಲ. ಏನೇ ಆದರೂ ಆತನ ಮನದಲ್ಲಿ ಗುರುದರ್ಶನ ಮಾಡಿದ ತೃಪ್ತಿ ಆನಂದವಂತೂ ಇತ್ತು. ಹೀಗೆ ಆ ಭಕ್ತನಿಗೆ ರಾಮೇಶ್ವರದಲ್ಲಿ ದರ್ಶನ ನೀಡಿ ತಾನೆಲ್ಲೆಡೆ ಇದ್ದೀನಿ ಎಂದು ತೋರಿಸಿದವರು - ಅವಧೂತರು.