ಗುರುನಾಥ ಗಾನಾಮೃತ 

ಬಿಡುವೆನೆಂದರೂ ಬಿಡನಾರೆನೂ ಚರಣವ 

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ಬಿಡುವೆನೆಂದರೂ ಬಿಡನಾರೆನೂ ಚರಣವ 

ಬಿಡಲಾಗದೆಂದೂ ಗುರುಚರಣವ ||

ಭವದ ಬವಣೆಯಲಿ ಸಿಲುಕಿಹೆ ಗುರುವೇ

ಭಜಿಸುತಿಹೆ ನಿನ್ನ ನಾಮ ಪ್ರಭುವೇ |

ಕನಸಲೂ ಮರೆಯೆನು ‌ನಿನ್ನ ಜಪವ

ಮನಸಲೂ ನೆನೆವೆನು ನಿನ್ನ ತತ್ತ್ತ್ವವ || ೧ ||

ನಾಮಸ್ಮರಣೆಯೇ ಜೀವನಕೆ ಆಧಾರ

ನೀನಿಲ್ಲದೆ ಬದುಕೇ ನಿರಾಧಾರ |

ಅಣುರೇಣುತೃಣಕಾಷ್ಟವ್ಯಾಪಿ ನೀನು

ಎಲ್ಲರಲು ನಿನ್ನನೇ ನೋಡುವೆ ನಾನು || ೨ ||

ಉಸಿರುಸಿರಲಿ ವ್ಯಾಪಿಸಿಹೆ ನೀನು

ಕಣಕಣದಲಿ ತುಂಬಿಹೆ ನೀನು |

ನನ್ನ ಜೀವನದ ಅಮೂಲ್ಯ ರತ್ನವು ನೀನು

ದೂರ ಹೋಗೆನು ಎಂದಿಗೂ ನಾನು || ೩ ||