ಗುರುನಾಥ ಗಾನಾಮೃತ 

ದತ್ತ ಬಂದ ಗುರುದತ್ತ ಬಂದಾ

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ದತ್ತ ಬಂದ ಗುರುದತ್ತ ಬಂದಾ

ನಾಥ ಬಂದ ಗುರುನಾಥ  ಬಂದ ಇಂದು ಮನೆಗೆ || 

ಭಕುತರ ಬಾಳಿನ ಬೆಳಕಾಗಿ

ಸಾಧಕರ ಭಾಗ್ಯದ ನಿಧಿಯಾಗಿ |

ಆರ್ತರ ನಿತ್ಯ ಪೊರೆವವನಾಗಿ

ಬೇಡಿದ ಕೊಡುವ ಕಾಮಧೇನುವಾಗಿ || ೧ ||

ಮನದಿಂಗಿತ ಅರಿತವನಾಗಿ

ತಪ್ಪನು ತಿದ್ದುವ ಸಖನಾಗಿ |

ಕೈ ಹಿಡಿದು ನಡೆಸುವ ದೇವತೆಯಾಗಿ 

ಬಾಳಗುರಿಯ ತೋರುವ ಗುರುವಾಗಿ || ೨ ||

ಸುಖದುಃಖಗಳಲಿ ಜೊತೆಯಾಗಿ

ಮುಗ್ಧತೆಯ ಪ್ರತಿರೂಪವಾಗಿ |

ಎಲ್ಲರ ಒಳಿತ ಬಯಸುವವನಾಗಿ

ಪ್ರೇಮದಾ ನಿಧಿ ಬಂದವನಾಗಿ || ೩ ||