ಗುರುನಾಥ ಗಾನಾಮೃತ 

ಬಂದ ಬಂದಾ ಗುರುನಾಥ 

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ಬಂದ ಬಂದಾ ಗುರುನಾಥ 

ಸಂತಸದಿ ಅವಧೂತ 

ನಮ್ಮ ಮನೆಗೆ || 

ಆ‌ನಂದಾಶೃವಿನಲಿ ನಯನ ಕೂಡಿತ್ತು

ಮನವು ಗುರುನಾಥನ ನೆನೆದಿತ್ತು |

ಜೀವನದ ಅಮೂಲ್ಯರತುನ ಸಿಕ್ಕಿತ್ತು

ಎನ್ನೊಡೆಯ ನಗುತ ಬಂದ ನಮ್ಮನೆಗೆ || ೧ ||

ಇಷ್ಟುದಿನದ ಪ್ರತೀಕ್ಷೆಗೆ ಫಲವು ಸಿಕ್ಕಿತು

ಚಿತ್ತದೊಳಗಿನ ದೇವ ಮೂರುತಿ ಎದುರಿತ್ತು !

ಹೃದಯ ಮೌನದಲಿ ಧನ್ಯತೆ ಪಡೆದಿತ್ತು 

ನನ್ನೊಡೆಯ ನಗುತ ಬಂದ ನಮ್ಮ ಮನೆಗೆ || ೨ ||

ನಿನ್ನ ಸ್ಮರಣೆಯಿಲ್ಲದೆ ಜೀವನವಿಲ್ಲ ನನಗೆ

ನೀನಲ್ಲದೆ ಮತ್ಯಾರು ರಕ್ಷಕರು ನ‌ನಗೆ |

ಇಹಪರಕು ಗತಿನೀನೇ ಸದ್ಗುರುವೇ 

ನಿನ್ನಡಿಯ ಬಿಟ್ಟು ಹೋಗಲಾರೆ ನಾನೆಲ್ಲಿಗೂ || ೩ ।।

ಸುಲಭಕೆ ಬಾರರಂತೆ ಇವರು

ಮನಶುದ್ದಿಮಾಡುತಾ ಬರುವರಂತೆ ।

ಯಾವ ಹಿರಿಯರು ಮಾಡಿದ ಪುಣ್ಯವೋ 

ಸಂತಸದಿ ಗುರುನಾಥ ಬಂದ ಮನೆಗೆ ।। ೪ ।।