ಗುರುನಾಥ ಗಾನಾಮೃತ 

ಮೋಸ ಹೋದೆ ನಾನೂ

ರಚನೆ: ಅಂಬಾಸುತ 

ಮೋಸ ಹೋದೆ ನಾನೂ

ಸದ್ಗುರುವಿನ ದಾಸನಾಗದೇ||ಪ||

ಕಾಸು ಕಾಸೆನ್ನುತಾ ಕಾಲ ಕಳೆದೆನೋ

ಲೇಸಾಗಿ ಗುರುಸ್ಮರಣೇ ಮಾಡುವುದನೆ ಬಿಟ್ಟೂ ||ಅ ಪ||

ಗುರುಪಾದ ಪಿಡಿಯಲಿಲ್ಲಾ ಗುರುಪದ ಕೇಳಲಿಲ್ಲಾ

ಗುರುಮನೆ ಹೊಕ್ಕಲಿಲ್ಲಾ ಗುರುನಾಥ ಎನ್ನಲಿಲ್ಲಾ ||೧||

ಗುರುವೆಂದರೆ ಕಾವಿ ತೊಟ್ಟವನೆಂದುಕೊಂಡೇ

ಕಲ್ಲುಸಕ್ಕರೆ ಹಣ್ಣೂ ನೀಡುವವನೆಂದುಕೊಂಡೇ ||೨||

ಅರಿವಿನ ದೊರೆ ಗುರು ಎಂಬುದ ಅರಿಯಾಲಿಲ್ಲಾ

ಮೋಹ ದಾಹದ ಪಾಶದೊಳಗೆ ಸಿಲುಕಿದೆನಲ್ಲಾ ||೩||

ಗುರು ತಂದೆತಾಯಿಯೂ ಗುರು ಬಂಧುಬಳಗವೂ

ಗುರು ಸಖಸಖಿಯೂ ಎಂಬುದ ತಿಳಿಯದೇ ||೪||

ಶುದ್ಧಭಾವದಿಂದಾ ನಿನಗೆ ಬದ್ಧನಾಗದೇ

ಕ್ಷುದ್ರನಾದೆನಲ್ಲಾ ವಿರುದ್ದಭಾವ ತಳೆದೂ ||೫||

ಸಖರಾಯಪುರಾಧೀಶಾ ಸದ್ಗುರುನಾಥನೇ

ಈ ಅಂಬಾಸುತ ನಿನ್ನ ತತ್ವ ಅರಿಯದೆಲೇ ||೬||