ಗುರುನಾಥ ಗಾನಾಮೃತ 

ತುಂಬಿಕೊಳಲೇ ನಿನ್ನ ಮೂರುತಿ ಎನ್ನ ಕಣ್ಣೊಳಗೇ

ರಚನೆ: ಅಂಬಾಸುತ 

ತುಂಬಿಕೊಳಲೇ ನಿನ್ನ ಮೂರುತಿ ಎನ್ನ ಕಣ್ಣೊಳಗೇ

ನೀ ತಾಯಿ ನಾ ಕಂದ ನಿಜಭಾವದೊಳಗೇ ||ಪ||

ಮಾಡಿದ ತಪ್ಪಿಗೇ ಶಿಕ್ಷೆಯಾ ನೀಡದೇ

ನಿನ್ನ ಮಡಿಲೊಳಗೆ ಇರಿಸೀ ಬುದ್ದಿಯಾ ಹೇಳಿದೇ

ಹಸಿವೆಂದು ಕೂಗುವಾ ಮೊದಲೆ ಅನ್ನವನಿತ್ತೇ

ಆಕಳಿಸೇ ಬಳಿ ಕರೆದೂ ಲಾಲಿ ನೀ ಹಾಡಿದೇ ||೧||

ಕೈಹಿಡಿದು ನೆಡೆಸಿದೇ ಕನಿಕರವ ತೋರಿಸುತಾ

ಒಳ್ಳೆ ಹೆಸರಿನಿತ್ತೆ ಬಾಳ ಹಸಿರು ಮಾಡುತಲೀ

ಬೇಡಿಸಿ ಕೊಳ್ಳದೇ ಬೇಡಿಕೆಗಳಾ ಪೂರೈಸಿದೆ

ಮೈದಡವಿದೇ ಮನದಾ ಒಳಗೆ ನೀ ನಿಂತೇ ||೨||

ಅಮ್ಮಾ ಎನಲೇ ನಿನ್ನಾ ಗುರುನಾಥ ಎನಲೇ

ಗತಿ ನೀನು ಎನಲೇ ಸನ್ಮತಿದಾಯಕನೂ ಎನಲೇ

ಅಂಬಾಸುತನಾ ಉಸಿರು ಉಸಿರೊಳಗೂ ನೀನೆನಲೇ

ನಿನ್ನ ಹೆಸರೇ ಎಮಗೆ ಅಮೃತವು ಎನಲೇ ||೩||