ಗುರುನಾಥ ಗಾನಾಮೃತ 

ಬೃಂದಾವನದ ಒಳಗೆ ಏಕೆ ಪೋದೆ

ರಚನೆ: ಅಂಬಾಸುತ 

ಬೃಂದಾವನದ ಒಳಗೆ ಏಕೆ ಪೋದೆ

ಬಹು ವಿಧದಿ ಭಜಿಪ ಭಕುತ ಸಂಘವಾ ತ್ಯಜಿಸೀ ||ಪ||

ಸಗುಣ ನಿರ್ಗುಣವೆಂಬಾ ಸೂಕ್ಷ್ಮತೆಯ ನಾನರಿಯೇ

ನಿನ್ನ ಸನ್ನಿಧಾನವನ್ನೇ ಬಯಸಿ ನಾ ಬಂದಿಹೇ

ಹೀಗೆ ನೀ ಮರೆಯಾದರೇ ನಾ ಹೇಗೆ ಇರಲಯ್ಯಾ

ಎದ್ದು ಬಂದು ಬೇಗ ನಿನ್ನ ವದನ ತೋರಯ್ಯಾ ||೧||

ಏಕಾಂತ ಬಯಸಿದೆಯಾ ಶ್ರೀಕಾಂತನಾ ರೂಪಿ

ಸಾತ್ವಾಂತ ಪೇಳ್ವರಾ ನಾನಿಲ್ಲಿ ಕಾಣೆನೋ

ಒಂದು ಮಾತನೂ ಹೇಳದೇ ನೀ ಹೀಗೆ ಮರೆಯಾದರೇ

ನಾ ಹೇಗೆ ಸಹಿಸಲೋ ನಾ ಹೇಗೆ ಬಾಳಲೋ ||೨||

ಎನ್ನೊಡನೆ ನೀನಿರುವೆ ಎಂಬ ಭಾವ ಸುಲಭವಲ್ಲಾ

ಸಾಧಕನ ಮಾತದೂ ಎನಗೊಂದು ತಿಳಿಯದೂ

ಗುರುನಾಥ ಗುರುನಾಥಾ ಎನು ಹಂಬಲಿಸುತಲೀ

ಕರೆದಿಹನೋ ಅಂಬಾಸುತ ಬಾರೈ ಅವಧೂತಾ ||೩||