ಗುರುನಾಥ ಗಾನಾಮೃತ 

 ಜೀವಿತವು ನಿನ್ನ ಭಿಕ್ಷೆ

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ಜೀವಿತವು ನಿನ್ನ ಭಿಕ್ಷೆ

ಜೀವನದಿರಲಿ ನಿನ್ನ ರಕ್ಷೆ |

ಕೊಡು ನೀ ಜ್ಞಾನಚಕ್ಷು

ಮಾಡು ನನ್ನನು ಮುಮುಕ್ಷು ||

ಜನ್ಮ ಜನ್ಮದ ಸುಕೃತವೋ

ಯಾರು ಮಾಡಿದ ಪುಣ್ಯವೋ |

ಬಂದೆ ಜ್ಞಾನಾಮೃತವ ಹಿಡಿದು

ಬಡಿಸಿದೆ ಸುಜ್ಞಾನಾಮೃತವ ಕರೆದು  || ೧ ।।

 ಕ್ಷಣಕ್ಷಣದಲು ಜಪಿಸುವೆ ನಿನ ನಾಮವ

ಕಣಕಣದಲೂ ತುಂಬಿರಲಿ ನಿನ ಭಕ್ತಿಯ |

ಈ ಬಾಳಲಿರಿಸೋ ಅಚಲ ಭಕ್ತಿಯ 

ಸಂತತ ನೀಡೆನಗೆ ಈ ಸೌಭಾಗ್ಯವ || ೨ ||

ನಿನ್ನಾನುಗ್ರಹ ಪಡೆದ ಅಜ್ಞಾನಿ 

  ಆಗುವನವನೀ ಜಗದಿ ಸುಜ್ಞಾನಿ ।

ಪಾದಸೇವೆಯ ಕರುಣಿಸೋ ಕಡೆತನಕ 

ಕೈ ಹಿಡಿದು ಪೊರೆಯೋ ಅನವರತ ।। ೩ ।।