ಗುರುನಾಥ ಗಾನಾಮೃತ 

ಜಗದ್ವಂದ್ಯ ಅವಧೂತ ಗುರುನಾಥಾ

ರಚನೆ: ಅಂಬಾಸುತ 

ಜಗದ್ವಂದ್ಯ ಅವಧೂತ ಗುರುನಾಥಾ

ಸದ್ಭಕ್ತರ ಪೊರೆಯುತಲಿಹ ಸಖರಾಯಪುರಾಧೀಶಾ ||ಪ||

ಸಾಧನೆಯೊಳಗಡಗಿಹಾ ನಿಜ ಸಂತ ನೀ

ಅನುಭವವೇದ್ಯ ಆನಂದ ರೂಪ ನೀ

ಸಾತ್ವಿಕರ ಹೃದಯದಾ ಸಿಂಹಾಸನದೊಳು ನೀ

ಕುಳಿತಿರುವ ಬೋಧರೂಪ ನೀ  ||೧||

ರಾಗದ್ವೇಷವ ಮೀರಿದ ಸ್ವಾತ್ಮಾರಾಮ ನೀ

ಭೂತ ಭವಿಷ್ಯ ವರ್ತಮಾನವ ಅರಿತವಾ ನೀ

ಸ್ವಾನುಭವದಾ ಸುಖಸಾರವ ನೀಡುತಲಿಹೆ ನೀ

ಸತ್ಸಂಗದೊಳಿರಿಸೀ ಸಂತೃಪ್ತಿ ನೀಡುವವ ನೀ ||೨||

ಮನದ ವಿಕಾರ ಅಳಿಸುವಾ ಸಾಕಾರ ರೂಪ ನೀ

ಕರುಣದಿ ಕಣ್ಣೀರಾ ಒರೆಸುವವನೂ ನೀ

ಜ್ಞಾನದ ಮನೆಗೊಯ್ವಾ ನೌಕೆಯ ನಾವೀಕ ನೀ

ಅಹಂಭಾವವ ಅಳಿಸೋ ಅಪ್ರಮೇಯನು ನೀ ||೩||

ಶ್ರೀವೇಂಕಟಾಚಲ ನಾಮಾಂಕಿತ ನೀ

ಅಂಬಾಸುತನಾ ಅನವರತಾ ಪೊರೆಯುವವ ನೀ

ಅವನಾ ಪಾಲಿನ ಜಗದಂಬಿಕೆಯ ರೂಪವೂ ನೀ

ಆದ್ಯಂತರಹಿತಾ ಅಸಮಾನ್ಯನೂ ನೀ ||೪||