ಗುರುನಾಥ ಗಾನಾಮೃತ 

ಕರುಣಿಸೋ ಗುರುವೆ ಕರುಣಿಸೋ

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ಕರುಣಿಸೋ ಗುರುವೆ ಕರುಣಿಸೋ

ದಯಪಾಲಿಸೋ ಸದ್ಗುರುವೇ ದಯಪಾಲಿಸೋ |

ನಿನ್ನ ಪಾದದಡಿಯ ಧೂಳಾದರೂ ಸರಿಯೆ

ನಿನ್ನ ಪಾದುಕೆಯ ಕಣವಾದರೂ ಸರಿಯೆ |

ನೀನು ಕಣ್ಣಂಚಿನ ಕಿರುನೋಟ ಬೀರಿದರೂ ಸರಿಯೆ

ನಿನ್ನ ತುಟಿಯಂಚಿನ ಮೆಲ್ನಗೆ ಸೂಸಿದರೂ ಸರಿಯೆ || ೧ ||

ನಿನ್ನ ವರದ ಸವಿನುಡಿಯಾದರೂ ಸರಿಯೆ

ನಿನ್ನ ಪೂಜಿಸಿದ ಸುಂದರಸುಮವಾದರೂ ಸರಿಯೆ !

ನಿನ್ನ ಪಾದಸ್ಪರ್ಷಿಸುವ ಬಿಡಿಮಲ್ಲೆಯಾದರೂ ಸರಿಯೆ 

ನಿನ್ನ ಪಾದವ ತೊಳೆವ ಜಲವಾದರೂ ಸರಿಯೆ || ೨ ||