ಗುರುನಾಥ ಗಾನಾಮೃತ 

ಹೊರಟೆ ನಾನು ಸಖರಾಯಪುರಕೆ ಬಲು ಸಂಭ್ರಮದಿ 

ರಚನೆ: ಆನಂದರಾಮ್, ಶೃಂಗೇರಿ  

ಹೊರಟೆ ನಾನು ಸಖರಾಯಪುರಕೆ ಬಲು ಸಂಭ್ರಮದಿ 

ಗುರುವ ಕಂಡು ಬೇಡಿ ಬರಲು ಬಲು ಹಂಬಲದಿ|

ದಾರಿ ಸವೆಸಿ ಭಕ್ತಿ ಬಾವದಿ ಗುರುವೇ ನಿನ್ನ  ನೆನೆಯುತ 

ಹೆಜ್ಜೆ ಹೆಜ್ಜೆಗೂ ನೀವೇ ಕಾಯಬೇಕು ನನ್ನ ಎನ್ನುತಾ|

ದಣಿವಿಲ್ಲಾ ಈ ದೇಹಕೆ ಎಷ್ಟು ಬಜಿಸಿದರು ಎನುತ

ಅರಿವಿಲ್ಲ ನೋವಿನ ಸುಳಿವಿಲ್ಲ ನೆನೆಸಿದರೆ ಹಾಡುತ |

ಮೂಡನೋ ನಾನು ಬಕುತಿಯ ಗುಟ್ಟು ತಿಳಿದಿಲ್ಲ

ಬರೀ ನೋಡಿ ಕೇಳಿ ನಂಬಿ ನಡೆವ ಭಕ್ತಿ ಇದೆಲ್ಲಾ|

ಸಣ್ಣವನಾದೆನು ನಾ ಗುರುಬಂದುಗಳ ಜೊತೆಗೂಡಿ

ಹೆಚ್ಚು ಅರಿತೆನೋ ನಿಜ ಬಕುತಿಯ ಮಾಡಿ ನೋಡಿ|

ಮೂಕನೋ ನಾನು ಶಾಸ್ತೃವಿದ್ಯೆಗಳ ಸಾಲಿನಲ್ಲಿ

ಕುರುಡು ಭಕ್ತಿಯ ತೋರಿ ಗುರುವ ನಂಬಿದೆನಿಲ್ಲಿ|

ಬೇಕು ಬೇಡಗಳ ಮೂಟೆ ಹೊತ್ತು ಹೊರಟ ಮೂಡ

ಕೆಳಗಿಳಿಸದೇ ನಿರಾಳವಾಗಿದೆ ಎನ್ನ ಎದೆಯ ಗೂಡ|