ಗುರುನಾಥ ಗಾನಾಮೃತ 

ನಾನೊಂದು ನಾದವಿರದಾ ಬಿದಿರು

ರಚನೆ: ಶ್ರೀಮತಿ.ಶೈಲಜಾ ಕುಮಾರ್, ಮೈಸೂರು 

ನಾನೊಂದು ನಾದವಿರದಾ ಬಿದಿರು

ತುಂಬಲಿದಕೆ ಗುರುನಾಮದಾ ಉಸಿರು |

ನಾದಹೊಮ್ಮಿಸು ಈ ಕೊಳಲಿನಲಿ

ಮಾರ್ದನಿಸಲದೆಮ್ಮ ಕೊರಳಿನಲಿ ||

ಹೃದಯದಾಳದಿ ಹೊಮ್ಮಿದ ನಾದ

ಅಳಿಸಲೆಲ್ಲಾ ಅಸಂಖ್ಯ ಭೇದ |

ಅಮೃತರಾಗದಾ ಆಲಾಪನೆ

ಭಕ್ತಿರಸದಾ ಸಂವೇದನೆ ||

ಶರಣಾಗತಿಯ ಭಾವ ಹೊರಹೊಮ್ಮಲೀ

ಗುರುಶಕ್ತಿಯಾ ದನಿಗೂಡಲೀ |

ಗುರುತತ್ತ್ವದಾ ಶೃತಿಸೇರಲೀ

ಗುರುಸೇವೆಯೇ ನಮ್ಮ ಕೃತಿಯಾಗಲೀ ||