ಗುರುನಾಥ ಗಾನಾಮೃತ 

ಹಾಸಿಗೆ ಹೇಸಿಗೆ ಎನಿಸಿದ ಮೇಲೆ

ರಚನೆ: ಅಂಬಾಸುತ 

ಹಾಸಿಗೆ ಹೇಸಿಗೆ ಎನಿಸಿದ ಮೇಲೆ

ಕಾಸಿಗೆ ಕಿಮ್ಮತ್ತು ಕೊಡದ ಮೇಲೆ

ಕನಸಿಗೆ ಕಾಲ ಕಳೆಯದ ಮೇಲೆ

ಏರುವೆ ನೀ ಮಾಳಿಗೆಯಾ

ಏರುವೆ ನೀ ಮಾಳಿಗೆಯಾ||

ಮರಣದಾ ಭಯವ ಬಿಟ್ಟ ಮೇಲೆ

ಮತ್ತಿನ ಮೋಹವ ಸುಟ್ಟ ಮೇಲೆ

ಮರೆಮಾಚದೆ ಎದಿರು ನಿಂತಾ ಮೇಲೆ

ಏರುವೆ ನೀ ಮಾಳಿಗೆಯಾ

ಏರುವೆ ನೀ ಮಾಳಿಗೆಯಾ ||

ಬದುಕ ಬಂಧನವೆಂದು ಭಾವಿಸದ ಮೇಲೆ

ಬರಡಿಗೆ ಕನಿಕರ ತೋರಿದ ಮೇಲೆ

ಭಾವಕ್ಕೆ ಪ್ರತಿಭಾವವ ನೀಡಿದ ಮೇಲೆ

ಏರುವೆ ನೀ ಮಾಳಿಗೆಯಾ

ಏರುವೆ ನೀ ಮಾಳಿಗೆಯಾ ||

ಅರಿವಿನಾ ಹಾದಿ ಹಿಡಿದಾ ಮೇಲೆ

ಆದಿಗೆ ಆದ್ಯತೆ ನೀಡಿದ ಮೇಲೆ

ಆತಂಕವೆಂಬುದ ತಳ್ಳಿದ ಮೇಲೆ

ಏರುವೆ ನೀ ಮಾಳಿಗೆಯಾ

ಏರುವೆ ನೀ ಮಾಳಿಗೆಯಾ ||

ಆನಂದವೆಂಬೋದೆ ಇಲ್ಲಿ ಮಾಳಿಗೆ

ಆನಂದ ರೂಪಿ ಗುರು ಇರುವ ಮಾಳಿಗೆ

ಅಂಬಾಸುತ ತಾನೇರಲು ಬೇಡಿಹ ಮಾಳಿಗೆ

ಗುರುಪಾದ ಕೃಪೆಯಿಂದ ಕಾಣುವ ಮಾಳಿಗೆ 

ಏರುವೆ ನೀ ಮಾಳಿಗೆಯಾ

ಏರುವೆ ನೀ ಮಾಳಿಗೆಯಾ ||