ಗುರುನಾಥ ಗಾನಾಮೃತ 

ಬೃಂದಾವನದ ಒಳಗೆ ಕುಳಿತ ಸದ್ಗುರುವರ

ರಚನೆ: ಅಂಬಾಸುತ 

ಬೃಂದಾವನದ ಒಳಗೆ ಕುಳಿತ ಸದ್ಗುರುವರ

ಭಾವಿಕ ಭಕುತರ ಭವಬಂಧ ಹರಿಸುವಾ ಈತ ಹರ ||ಪ||

ಬಣ್ಣಿಸಲಾರೆ ಇವನ ಮಹಿಮೆ ಭಾವ ಸುಂದರ

ಭಾವಿಕಾ ಭಕುತರಾ ಮನವೆ ಈತನ ಮಂದಿರ ||೧||

ಸುಲಭಕೆ ಸಿಗುವವನಲ್ಲ ಸಾಧನೆಗೆ ಸಾಕಾರ

ಅಳಿಸುವವನು ತನು ಮನದ ಎಲ್ಲ ವಿಕಾರ ||೨||

ಲೋಕಚಿಂತೆ ಬಿಟ್ಟವರಿಗೆ ಕಂಡ ಸಾಹುಕಾರ

ಕೂಡಿ ಕಳೆದು ಕಲಿಸುವನು ಧರ್ಮದ ವ್ಯವಹಾರ ||೩||

ಕಲ್ಲಿಗೂ ಕರುಣೆ ತೋರೊ ಕೃಪಾಸಾಗರ

ಕಂಡವರಿಗೆಲ್ಲರಿಗೂ ಈತನೇ ಸುರ ಹರ ||೪||

ಲೀಲೆ ತೋರಿದನಿಲ್ಲಿ ಗುರು ಸಖರಾಯಪುರ

ಅಂಬಾಸುತನಿಗೆಂದಿಗೂ ಈತ ಗುರು ಹರಿ ಹರ ವರ ||೫||