ಗುರುನಾಥ ಗಾನಾಮೃತ 

ಬದುಕು ಭಾರವಾಗಿ ಭಕುತಿ ಮಾಡದಾದೆ ಗುರುವೇ

ರಚನೆ: ಆನಂದರಾಮ್, ಶೃಂಗೇರಿ  

ಬದುಕು ಭಾರವಾಗಿ ಭಕುತಿ ಮಾಡದಾದೆ ಗುರುವೇ

ಬದುಕ ನಡೆಸಿ ನಿನ್ನ ನೆನೆವ ಬುದ್ದಿ ನೀಡೋ ಗುರುವೇ|

ಬೇಡುವೆನು ಮನದ ಶಂಕೆ ದೂರ ಮಾಡೊ ಗುರುವೇ

ಮನದ ವಾಸನೆ ಕರ್ಕೋಟಕ ನಾಶ ಮಾಡು ಗುರುವೇ

ಬರಿದು ಮನವು ಕಲ್ಮಶ ತುಂಬುವುದು ನೀ ಕೈ ಬಿಟ್ಟರೆ

ನಿರ್ಮಲ ವಾದೀತು ನೀ ಹರಸಿ ನನ್ನ ಎಚ್ಚರಿಸಿದರೆ|

ಕಣ್ಣು ಕದ್ದು ನೋಡುವುದು ತಾಮಾಸಿಕ ಅಟ್ಟಹಾಸವ

ಬಾಯಿ ಚಪಲವದು ನುಡಿವುದು ಅನ್ಯರ ವಿಷಯವ|

ಆಡಂಬರದ ಬಕುತಿಯ ಬೆನ್ನತ್ತಿ  ನಿನ್ನ ಅರಿಯದಾದೆ

ಅರಿವಿನಾಲಯಕೆ ದಾರಿ ತೋರೋ ಓ  ನನ್ನ ಗುರುವೆ|

ಬರೀ ಬೇಡುವದೊಂದೆ ಬದುಕಾಯ್ತು  ನನ್ನ ಗುರುವೇ ಕತ್ತಲೊಳು ಮನವು ಮಿಂದು ಸಾಕಾಗಿದೆ ಗುರುವೇ|

ಇನ್ನು ತಡಮಾಡದೆ ಎನ್ನ ಸಲಹಯ್ಯ ನನ್ನ ಗುರುವೇ

ಬೇಡುತಲೇ ಮನವು ಬರಿದಾಯ್ತು ಕಾಪಾಡು ಗುರುವೇ|