ಗುರುನಾಥ ಗಾನಾಮೃತ 

ಎದ್ದು ಬರಬಾರದೆ ಬೃಂದಾವನದಿಂದ ಗುರುವೆ

ರಚನೆ: ಅಂಬಾಸುತ 

ಎದ್ದು ಬರಬಾರದೆ ಬೃಂದಾವನದಿಂದ ಗುರುವೆ

ಸದ್ದು ಮಾಡದೆ ಅಲ್ಲಿ ತಪವ ಮಾಡಿಹೆ ಏಕೇ ||ಪ||

ಕಾನನದ ಏಕಾಂತ ಬಯಸಿ ಕುಳಿತಿಹೆ ಏನು?

ಭಕ್ತರಾಭೀಷ್ಟಗಳ ಸಲಿಸಿ ದಣಿದಿಹೆ ಏನು? ||೧||

ಮೌನ ಹಿಡಿದು ಕುಳಿತರೇನು ಮಾತನಾಡಿಸದೆ ಬಿಡೆನು

ಪಟ್ಟು ಹಿಡಿವೆನು ನಿನ್ನ ಪಾದವ ಕಟ್ಟುವೆನು ||೨||

ಅಷ್ಟು ಪಾಪಿಯೇ ನಾನು ನಿನ್ನ ದರುಶನ ಪಡೆಯದಷ್ಟು

ಇಷ್ಟು ಹೇಳುವೆ ಗುರುವೆ ಮುಂದೆ ನಿನ್ನಿಷ್ಟವೊ ||೩||

ಕರವ ಜೋಡಿಸಿಹೆನೊ ಶಿರವ ನೆಲಕೆ ಮುಟ್ಟಿಸಿಹೆನೊ

ಮನದ ತುಂಬ ನಿನ್ನ ಕಾಣೊ ಬಯಕೆ ತುಂಬಿಕೊಂಡಿಹೆನೊ ||೪||

ಸಖರಾಯಪುರದ ಪ್ರಭುವೆ ಭಕುತರಾ ಭಾಗ್ಯದಾ ನಿಧಿಯೇ

ಅಂಬಾಸುತಗೆ ನಿನ್ನ ಕಾಣೊ ಅರಿವನಿತ್ತು ಪೊರೆಯೊ ದೊರೆಯೇ ||೫||