ಗುರುನಾಥ ಗಾನಾಮೃತ 

ಸಾಲದಂತೆ ಸಾಲದಂತೆ ಸಾವಿರ ನಾಲಿಗೆ

ರಚನೆ: ಅಂಬಾಸುತ 

ಸಾಲದಂತೆ ಸಾಲದಂತೆ ಸಾವಿರ ನಾಲಿಗೆ

ಸದ್ಗುರುವಿನ ನಾಮ ಜಪಿಸಲು

ಅವನ ಮಹಿಮೆ ಪೇಳಲು ||

ಕಾಣದಂತೆ ಮರೆಯಾದವಂತೆ ಭಾವದೊಳಗಿನ ಪದಗಳು

ಸದ್ಗುರುವನು ವರ್ಣಿಸಲು

ರಾಗಭಾವವಿಟ್ಟು ಪಾಡಲು ||

ಕಾದಿಹವಂತೆ ಅರಳಿಹವಂತೆ ಭಕ್ತರೆಲ್ಲರ ನೇತ್ರಗಳು

ಸದ್ಗುರುವನು ಕಾಣಲು

ಆ ಭಗವಂತನ ಕಣ್ತುಂಬಿಕೊಳ್ಳಲು ||

ಸೋಲದಂತೆ ಸೇವೆಗೈದಿಹವಂತೆ ತನು ಮನಗಳು

ಸದ್ಗುರುವನು ಸೇವಿಸಲು

ಸದಾ ಅವನಡಿಯೊಳೇ ಇರಲು ||

ಮುಗಿಯದಂತೆ ಮರೆಯದಂತೆ ಅಂಬಾಸುತನ ಪದಗಳು

ಸದ್ಗುರುವನು ಭಜಿಸಲು

ಜೀವನ ಸಾರ್ಥಕಗೊಳಿಸಲು ||