ಗುರುನಾಥ ಗಾನಾಮೃತ 

ಆನಂದವನರಸುವೆ ಏಕೆ ಹೊರಗೆ

ರಚನೆ: ಅಂಬಾಸುತ 

ಆನಂದವನರಸುವೆ ಏಕೆ ಹೊರಗೆ

ಅಡಗಿಹುದದು ನಿನ್ನಯ ಒಳಗೆ ||ಪ||

ಕಳ್ಳನೊಯ್ವ ಒಡವೆಗಳಿಂದೇನೊ ಆನಂದ

ಹರಿದು ಪೋಗುವ ಹಣದಿಂದೇನೊ ಆನಂದ

ಬರದಿ ಬಾಯ್ಬಿಡೊ ಭೂಮಿಯಿಂದೆನೊ ಆನಂದ

ಸವೆದುಹೋಗುವ ವಸ್ತ್ರದಿಂದೆನೊ ಆನಂದ ||೧||

ಕಲಹಕೆ ಬರೊ ಸತಿ ಇಂದೇನೊ ಆನಂದ

ಸಾಧನೆಗೆ ಬಿಡದಾ ಪಿತರಿಂದೇನೊ ಆನಂದ

ದುರ್ಮಾರ್ಗವ ತೋರೊ ಸಖರಿಂದೇನಾನಂದ

ಸುಳ್ಳಾಡಿಸೊ ಸುತರಿಂದೇನೊ ಆನಂದ ||೨||

ಸ್ವಾತ್ಮಾರಾಮ ಎನ್ನ ಸದ್ಗುರು ಶ್ರೀ

ವೇಂಕಟಾಚಲನ ಮನದೊಳಗಿರೆಸಿ

ಜಗವ ಪಾಲಿಪ ಜಗದಂಬೆಯ ಸ್ಮರಿಸಿ

ನಿನ್ಬೊಳಗೆ ನೀ ಕಾಣ್ವುದೆ ನಿಜಾನಂದ ||೩||